Caspe

Caspe sitúase na zona de transición entre Aragón e Cataluña, nas beiras do río Ebro o cal forma aquí o chamado Mar de Aragón.

O lugar consta que xa existía no período musulmán como Qsp, Qasp ou Qasb (en diversas transcrición do árabe). O escritor musulmán Yaqut dos séculos XII-XIII indica que Qasb er un castelo (hisn) de Zaragoza.

En 1412 acolleu o Compromiso de Caspe, polo que se introduciu a dinastía de Trastámara no goberno do reino de Aragón.

Xa no século XX, durante a guerra civil española foi residencia do Consello de Aragón, o órgano de goberno do Aragón republicano. Redactouse aquí o Estatuto de Autonomía, que o desenvolvemento da guerra impediu aprobar.

Foi até hai unhas década un nó de comunicacións, tanto por estrada como por ferrocarril, pero vindo a menos. A súa economía baséase no sector servizos, na industria téxtil, en Caspe hai un centro loxístico de Adidas e nas grandes explotacións agrícolas de regadío próximas (en boa medida sostidas pola man de obra inmigrada). En relación con estas últimas cómpre destacar os pexegos de Caspe, pero que se amparan na denominación de orixe melocotón de Calanda.

Caspe tamén é coñecido a nivel internacional como lugar de pesca no próximo "Mar de Aragón", os encoros do Río Ebro.

Conta cun importante patrimonio histórico-artístico, do que hai que salientar:

• Castelo do Compromiso (en ruínas).
• Colexiata de Santa María a Maior .
• Mausoleo romano de Miralpeix, hoxe no casco urbano, pero traìdo desde Miralpeix.
• Ermida da Malena ou Madanela.
• Convento da Orde dos franciscanos.
• Torre de Salamanca.

Por desgraza varias destas edificación atópanse en mal estado de conservación.

Caspe está irmandada con:

•   Almería
•   Gaillac