[go: up one dir, main page]
Wikipedia

Candida

xénero de fungos

Candida

Candida albicans vista a 200 X
Clasificación científica
Reino: Fungi
División: Ascomycota
Clase: Saccharomycetes
Orde: Saccharomycetales
Familia: Saccharomycetaceae
Xénero: Candida
Berkh. (1923)
Especie tipo
'Candida vulgaris'
Berkh. (1923)

Candida é un xénero de fungos do grupo dos lévedos, que causa as infeccións fúnxicas humanas máis comúns en todo o mundo.[1] Moitas das especies deste xénero son conmensais inofensivos ou endosimbiontes de hóspedes incluíndo os humanos; porén, cando se alteran as barreiras mucosas ou o sistema inmunitario está comprometido poden invadir o corpo e causar doenzas.[2] A especie que máis se illa é Candida albicans, que causa a candidíase en humanos e outros animais. Durante a elaboración do viño, algunhas especies de Candida poden potencialmente estragar o viño.[3]

Moitas especies forman parte da flora intestinal, incluíndo C. albicans en hóspedes mamíferos, mentres que outras viven como endosimbiontes en insectos.[4][5][6]

As infeccións sistémicas do torrente sanguíneo e dos principais órganos (candidemia ou candidíase invasiva), especialmente en pacientes inmunocomprometidos, son tamén frecuentes.[7]

Secuenciouse o ADN de varias especies de Candida.[7]

Os antibióticos favorecen as infeccións de lévedos, incluíndo o sobrecrecemento gastrointestinal de Candida, e a penetración da mucosa gastrointestinal.[8] Aínda que as mulleres son máis susceptible a infeccións xenitais por lévedos, os homes poden tamén infectarse. Certos factores, como un uso prolongado de antibióticos, incrementan o risco tanto para homes coma para mulleres. As persoas con diabetes ou sistema inmunitarios deteriorados, como as que teñen infección por VIH, son máis susceptibles ás infeccións por lévedos.[9][10]

Candida antarctica é unha fonte importante industrialmente de encimas lipases.

Características de laboratorio

editar

Cultivada en laboratorio, Candida forma colonias grandes redondas, de cor branca ou crema (no caso de C. albicans) con cheiro a fungo en placa de ágar a temperatura moderada.[11] A especie máis importante, C. albicans fermenta a glicosa e a maltosa a ácido e gas, e a sacarosa a ácido, e non fermenta a lactosa, o que axuda a distinguila doutras especies de Candida.[12]

Signos e síntomas da infección

editar
Artigo principal: Candidíase.

As Candida están presentes practicamente en todas as persoas en pequeno número na pel adulta saudable,[12] e a especie albicans é parte da flora normal das membranas mucosas dos tractos gastrointestinal, respiratorio, e do tracto xenital feminino. No caso da pel, a súa sequidade comparada coa doutros tecidos impide o crecemento do fungo, pero a pel danada ou a pel en rexións intertrixinosas (onde a pel roza coa pel) é máis axeitada para un rápido crecemento do fungo.[13]

O sobrecrecemento de varias especies entre as cales está albicans pode causar infeccións superficiais como a candidíase orofarínxea e a candidíase vulvovaxinal (candidíase vaxinal). A candidíase oral é común en persoas que teñen que usar dentamia postiza.[14] En individuos que estaban sans, estas infeccións poden curar con medicación antifúnxica tópica ou sistémica[15] (medicamentos que se poden comprar sen receita son, por exemplo, miconazole ou clotrimazole). En pacientes debilitados ou inmunocomprometidos, ou cando se introduce por vía intravenosa, a candidíase pode converterse nunha doenza sistémica que produce abscesos, tromboflebite, endocardite, ou infeccións dos ollos ou outros órganos.[7][12] Normalmente, un requisito para que Candida poida atravesar as defensas da pel e cause doenzas nos tecidos profundos é que haxa unha neutropenia relativamente grave; neses casos, a alteración mecánica dos sitios da pel infectada é un factor típico na invasión dos fungos dos tecidos profundos.[13]

A colonización do tracto gastrointestinal por C. albicans despois dunha terapia con antibióticos pode non causar síntomas.[12]

Especies

editar

Entre as especies de Candida, a especie que forma parte da flora intestinal normal e é comensal na pel e tractos gastrointestinais e xenitourinarios C. albicans, é responsable da maioría das infeccións por Candida no torrente sanguíneo (candidemia). Pero existe tamén unha crecente incidencia de infeccións causadas por C. glabrata e C. rugosa, que se poden deber a que xeralmente son menos susceptibles aos antifúnxicos azol de uso frecuente.[16] Outras especies de Candida importantes medicamente son: C. parapsilosis, C. tropicalis, e C. dubliniensis.[7]

Outras especies de Candida como C. oleophila foron utilizadas como axentes de control biolóxico na froita.[17]

A especie Candida albicans foi utilizada en combinación con nanotubos de carbono para producir tecidos de materiais de bio-nano-composite condutores electricamente estables, que se utilizaron como elementos sensores da temperatura.[18]

Lista de especies:

Notas

editar
  1. ↑ Manolakaki, D., Velmahos, G., Kourkoumpetis, T., Chang, Y., Alam, H. B., De Moya, M. M., & Mylonakis, E. (2010). Candida infection and colonization among trauma patients. Virulence, 1(5), 367-375.
  2. ↑ Kourkoumpetis, Themistoklis K., et al. "The effect of cumulative length of hospital stay on the antifungal resistance of Candida strains isolated from critically ill surgical patients." Mycopathologia 171.2 (2011): 85-91.
  3. ↑ K. Fugelsang, C. Edwards Wine Microbiology Second Edition, pp. 3–28 Springer Science and Business Media , New York (2010) ISBN 0-387-33349-5
  4. ↑ Spanakis, Elias K., et al. "Statin Therapy and Decreased Incidence of Positive< i> Candida</i> Cultures Among Patients With Type 2 Diabetes Mellitus Undergoing Gastrointestinal Surgery." Mayo Clinic Proceedings. Vol. 85. No. 12. Elsevier, 2010.
  5. ↑ Nguyen NH, Suh SO, Blackwell M (2007). "Five novel Candida species in insect-associated yeast clades isolated from Neuroptera and other insects". Mycologia 99 (6): 842–858. PMID 18333508. doi:10.3852/mycologia.99.6.842. 
  6. ↑ Suh SO, Nguyen NH, Blackwell M (2008). "Yeasts isolated from plant-associated beetles and other insects: seven novel Candida species near Candida albicans". FEMS Yeast Res 8 (1): 88–102. PMID 17986254. doi:10.1111/j.1567-1364.2007.00320.x. 
  7. ↑ 7,0 7,1 7,2 7,3 dEnfert C; Hube B (editors) (2007). Candida: Comparative and Functional Genomics. Caister Academic Press. ISBN 978-1-904455-13-4. 
  8. ↑ Kennedy, MJ et al. "Mechanisms of association of Candida albicans with intestinal mucosa", Med Microbiol, volume-24, 333-341, 1987
  9. ↑ Steckelberg, James M. (2012-09-18). "Male yeast infection: Can I get it from my girlfriend?". Mayo Clinic. Consultado o 2014-03-23. 
  10. ↑ "Yeast Infections: MedlinePlus". Nlm.nih.gov. Consultado o 2014-03-23. 
  11. ↑ "Candida species". DoctorFungus.org. Arquivado dende o orixinal o 08 de febreiro de 2007. Consultado o 2007-02-09. 
  12. ↑ 12,0 12,1 12,2 12,3 Jawetz; et al. (1978). "Medical Mycology". Review of Medical Microbiology (13th ed.). pp. 276–278. 
  13. ↑ 13,0 13,1 Goehring, Richard V. (2008). Mims' medical microbiology. (4th ed. ed.). Philadelphia, PA: Mosby Elsevier. p. 656. ISBN 9780323044752. 
  14. ↑ Darwazeh A, Lamey P, Samaranayake L, MacFarlane T, Fisher B, Macrury S, MacCuish A (1990). "The relationship between colonisation, secretor status and in-vitro adhesion of Candida albicans to buccal epithelial cells from diabetics". J Med Microbiol 33 (1): 43–9. PMID 2231671. doi:10.1099/00222615-33-1-43. 
  15. ↑ "Yeast Infections (Candidiasis) in Men and Women". WebMD. 2012-11-12. Consultado o 2014-03-23. 
  16. ↑ "Candida rugosa, an Emerging Fungal Pathogen with Resistance to Azoles: Geographic and Temporal Trends from the ARTEMIS DISK Antifungal Surveillance Program". J Clinical Microbiology 44: 3578–3582. 2006. Arquivado dende o orixinal o 08 de xullo de 2010. Consultado o 26 de febreiro de 2015. 
  17. ↑ "Efficacy of Candida oleophila strain 128 in preventing Penicillium Expansum infection in apricot fruit". Acta Hort. (ISHS) 485: 141–148. 1999. Arquivado dende o orixinal o 06 de novembro de 2018. Consultado o 26 de febreiro de 2015. 
  18. ↑ Di Giacomo, R (2013-03-07). "Candida albicans/MWCNTs: A Stable Conductive Bio-Nanocomposite and Its Temperature-Sensing Properties". IEEE Transactions on Nanotechnology 12 (2): 111 – 114. ISSN 1536-125X. doi:10.1109/TNANO.2013.2239308. Consultado o 2014-03-23. 
  19. ↑ James, S. A.; Carvajal Barriga, E. J.; Bond, C. J.; Cross, K.; Nãºã±Ez, N. C.; Portero, P. B.; Roberts, I. N. (2009). "Candida carvajalissp. Nov., an ascomycetous yeast species from the Ecuadorian Amazon jungle". FEMS Yeast Research 9 (5): 784–788. doi:10.1111/j.1567-1364.2009.00518.x. PMID 19459983.
  20. ↑ Chang, C. F.; Lin, Y. C.; Chen, S. F.; Carvajal Barriga, E. J.; Barahona, P. P.; James, S. A.; Bond, C. J.; Roberts, I. N.; Lee, C. F. (2012). "Candida theae sp. nov., a new anamorphic beverage-associated member of the Lodderomyces clade". International Journal of Food Microbiology 153 (1–2): 10–14. doi:10.1016/j.ijfoodmicro.2011.09.012. PMID 22088606.

Véxase tamén

editar

Ligazóns externas

editar
Traído desde «https://gl.wikipedia.org/w/index.php?title=Candida&oldid=6200391»