British Broadcasting Corporation

Foi fundada no 18 de outubro do 1922 co nome de British Broadcasting Company ^[2]. Ao primeiro estaba dedicada aos servizos de radio, até que o 2 de novembro do 1936 comezou tamén a transmitir programas de televisión de forma regular. A BBC comezou as súas transmisións fóra do Reino Unido en decembro do 1932, co obxectivo de xuntar as persoas de fala inglesa que vivían no que, daquela, era o Imperio Británico. O rei Xurxo V transmitiu a primeira mensaxe de Nadal por radio na que se dirixiu a os homes e mulleres que están tan illados pola neve e polos desertos, que só poden alcanzar as voces polo aire.

A compañía, con John Reith como director xeral, pasou a chamarse British Broadcasting Corporation en 1927 cando foi concedida unha carta real e deixou de ser privada. Empezou a emitir televisión de forma experimental no 1932, converténdose nun servizo regular (coñecido coma o servizo da televisión da BBC) en 1936. A difusión de televisión foi suspendida desde o 1 de setembro do 1939 até o 7 de xuño do 1946, durante a segunda guerra mundial.

• Radio 1, servizo radiofónico nacional. Tematicamente dedicado á música actual e xuvenil. Esta dirixida especialmente á mocidade entre 16-24 anos.
• Radio 2 é a radio con máis oíntes do Reino Unido; conta cunha audiencia estimada en 12,6 millóns de oíntes cada semana. Contidos xeralistas.
• Radio 3 é unha radio especializada na arte, drama, música clásica, jazz.
• Radio 4 de ámbito nacional. As súas transmisións son de voz e tematicamente trata sobre temas de actualidade, ciencia, historia, comedia e drama.
• Radio Five Live Noticias, deportes e debates as 24h.
• BBC Local Radio, consiste en 40 emisoras locais en Inglaterra que provén de entretemento, noticias e música a súa area local de emisión.
• Servizos locais a outras rexións do Reino Unido: Radio Scotland, Radio Wales, Radio Ulster, Radio Foyle, Cymru (servizo en galés) e Radio Nan Gaidheal (en escocés).
• BBC World Service adicada a transmisións ao exterior en inglés e outras linguas.
• Servizos de radio dixital no Reino Unido con Five Live Sports Extra (acompañando a Radio Five Live para a cobertura de acontecementos deportivos), 1Xtra, 6 Music (para xéneros musicais minoritarios), BBC 7 (Comedia, Drama e programas de nenos) e a Rede asiática da BBC Asia Network (conversación, música e noticias en moitas linguas asiáticas).
• Servizo de Monitores da BBC, con sede en Reading, Caversham Park, é un servizo encargado de prover noticias internacionais. Ademais realiza un seguimento a medios, principalmente radiofónicos, de todo o mundo. Creado durante a segunda guerra mundial para axudar á propaganda británica e para escoitas de emisións doutros países, tivo un desempeño importante durante a guerra fría.

• BBC One é a televisión máis antiga do mundo.
• BBC Two é a segunda cadea de televisión que lanzou a BBC. BBC2 foi a primeira cadea de televisión de Europa en difundir imaxes en cor (a partir de 1967).
• BBC Three é unha cadea británica de televisión da BBC só está dispoñible vía cable, TDT ou satélite.
• BBC Four é unha cadea da BBC só está dispoñible vía TDT, satélite e cable para espectadores no Reino Unido.
• BBC News é a cadea de televisión de noticias 24 horas do Reino Unido.
• BBC Parliament Transmisión en directo de todo o que sucede na Cámara dos Comúns, a Cámara dos Lores, o Parlamento Escocés e a Asemblea de Gales.
• CBBC é un servizo británico de televisión dirixido a nenos de 6 a 13 anos producido pola BBC.
• CBeebies é unha cadea británica producida pola BBC e dirixido a nenos menores de 6 anos.
• BBC World News, sinal internacional de noticias 24 horas.
• BBC Sport é unha división televisiva adicada exclusivamente a emisións e noticias sobre deportes.
• BBC HD, en alta definición 1080i.
• BBC Entertainment canle de entretemento de ámbito internacional.

• BBC iPlayer

• Galician Programme

Wikimedia Commons ten máis contidos multimedia na categoría:  British Broadcasting Corporation

• BBC Online (en inglés)