Xardín botánico

Os xardíns botánicos (do latín hortus botanicus) cultivan unha ampla variedade de plantas destinadas tanto a fins científicos como educativos e de lecer para os visitantes.

Investigación

Os traballos científicos levados a cabo nestes xardíns inclúen estudos sobre a adaptación de plantas exóticas a ese contorno, estudos taxonómicos, así como a propagación de especies raras ou en perigo de extinción. O Real Xardín Botánico de Kew, preto de Londres, leva publicando un xornal científico de investigación botánica ilustrado en cor dende finais do século XVIII.

Labor educativa

Os proxectos educativos abranguen dende presentacións de plantas que prosperan en diferentes contornos ata consellos prácticos para xardineiros domésticos. Moitos xardíns botánicos teñen tendas, onde se venden flores, herbas e plantas en sementeira adecuadas para o transplante. Algúns, como o Xardín Botánico e Centro de Investigación de Plantas UBC, na Columbia Británica (Canadá) e o Botánico de Chicago posúen programas de reprodución e introducen novas plantas no mercado hortícola.

Historia

Os primeiros xardíns botánicos modernos foron fundados no norte de Italia en conexión coas universidades:

Padua (1543 ou 1544)
Pisa (1543) por Luca Ghini (1490-1556)
Valencia (1567)
Boloña (1567)

Seguíronlles outras cidades europeas:

Leiden (Países Baixos) (1590)
Montpellier (Francia) (1593)
Heidelberg (Alemaña) (1597)
Tubinga (Alemaña) por Leonhart Fuchs
Copenhaguen (Dinamarca) (1600)
Uppsala (Suecia) (1655)
Hannover (Alemaña) (1666)
Londres (en Kew, Reino Unido) (1759)
Madrid (España) (1774)

Véxase tamén

Exemplos

Outros artigos

Ligazóns externas

(En español)

(En inglés)