Tecido linfoide asociado ás mucosas

O tecido linfoide asociado ás mucosas ou MALT (do inglés mucosa-associated lymphoid tissue) (tamén chamado tecido linfático asociado ás mucosas) é o formado polas pequenas concentracións de tecido linfoide que se encontran en diversos sitios do corpo humano, como o tracto gastrointestinal, tiroide, glándula mamaria, pulmóns, glándulas salivares, ollo, e pel. O MALT está poboado de linfocitos como células T e B, e de células plasmáticas e macrófagos, cada un dos cales está situado alí para encontrarse facilmente cos antíxenos que pasan polo epitelio mucoso. No caso do MALT intestinal, as células M están tamén presentes, as cales recollen o antíxeno do lume intestinal e entrégano ao tecido linfoide.

Para denominar os compoñentes do MALT utilízanse xeralmente os seguintes termos:

• GALT (tecido linfoide asociado ao intestino). Por exemplo, as placas de Peyer son compoñentes do GALT que se encontran na mucosa que tapiza o interior do intestino delgado.
• BALT (tecido linfoide asociado aos bronquios).
• NALT (tecido linfoide asociado ás fosas nasais).
• CALT (tecido linfoide asociado á conxuntiva)^[1]
• O-MALT (tecido linfático asociado ás mucosas organizadas); especificamente, as tonsilas do anel de Waldeyer son O-MALT.^[2]
• D-MALT (tecido linfático asociado a mucosas dufusas); é un MALT que non está organizado como unha masa separada identificable na anatomía macroscópica, a diferenza do antes mencionado O-MALT.

O MALT xoga un papel importante na regulación da inmunidade das mucosas. Pode ser o sitio onde se orixinan linfomas, xeralmente o linfoma non Hodgkin. Un tipo específico é o linfoma MALT ligado á bacteria estomacal Helicobacter pylori.

• recursos sobre o MALT Arquivado 25 de novembro de 2010 en Wayback Machine.
• Maltoma Arquivado 19 de xullo de 2011 en Wayback Machine.