Ralf Schumacher

Ralf Schumacher

Biografía
Nacemento	30 de xuño de 1975 (49 anos) Hürth, Alemaña
Actividade
Ocupación	piloto de automobilismo
Deporte	automobilismo
Familia
Cónxuxe	Cora Schumacher (2001–2015)
Fillos	David Schumacher
Irmáns	Michael Schumacher
Páxina web	ralf-schumacher.de

Ralf Schumacher, nado en Hürth-Hermülheim o 30 de xuño de 1975, é un expiloto de Fórmula 1 alemán. É o irmán máis novo de Michael Schumacher, o sete veces campión do mundo deste deporte, son os únicos irmáns que gañaron carreiras de Fórmula Un.

Igual que Michael comezou a correr en kart dende moi pequeno á idade de tres anos en Kerpen, no kart-club onde o seu pai Rolf Schumacher traballaba no seu tempo libre e a súa nai Elisabeth estaba a cargo da cantina do kart-club, alcanzou o éxito cedo antes de pasar ás carreiras automobilísticas no campionato alemán da Fórmula tres e a serie da Fórmula Nippon. A súa primeira escudaría na Fórmula 1 foi Jordan Grand Prix na tempada 1997 de Fórmula Un. Schumacher cambiou ao equipo Williams F1 na tempada 1999 de Fórmula Un, terminando 6º no Campionato de Pilotos ese ano. Gañou o seu primeiro Gran Premio na Fórmula 1 en 2001, quedando no 4º lugar no Campionato de Pilotos, e posteriormente gañou cinco carreiras máis no transcurso de dous anos.

Schumacher deixou a Williams ao final da tempada de Fórmula 1 de 2004 e uniuse a Toyota Racing na tempada 2005 de Fórmula Un. Con todo, os seus resultados durante 2006 e 2007 fixeron que Schumacher abandonase a Fórmula Un como resultado da presión interna. Logo de deixar a Fórmula Un, Schumacher uniuse ao Deutsche Tourenwagen Masters en 2008, logrando un éxito menor, e retirouse das carreiras de motor a finais de 2012 para ter un papel de xerente dentro da DTM, como mentor de novos pilotos.

Schumacher naceu o 30 de xuño de 1975 en Hürth, Renania do Norte-Westfalia, o segundo fillo de Rolf Schumacher, un albanel, e a súa esposa Elisabeth. Ten un irmán máis vello, Michael.^[1] Schumacher comezou Karting á idade de tres anos conducindo na pista de karts dos seus pais en Kerpen. O seu primeiro grande éxito no karting produciuse cando logrou a Copa NRW e a Copa de Ouro en 1991. En 1992 gañou o Campionato Alemán de Kart Júnior. Logo trasladouse á categoría superior, terminando no segundo posto.

Con 17 anos Schumacher trasladouse ás carreiras de coches, terminando segundo no ADAC Júnior Fórmula Championship. Esta actuación permitiu a Schumacher probar un coche de Fórmula tres durante 1992, e máis tarde participou nunha carreira da Fórmula tres. As súas probas e única aparición na serie atraeron a atención de WTS Racing permitindo a Schumacher entrar no Campionato Alemán de Fórmula Tres en 1994, onde terminou terceiro. Terminou cuarto e trixésimo no Gran Premio de Macau de 1994 e no Masters de Fórmula 3 respectivamente.

As súas actuacións en 1995 melloraran con respecto ao ano anterior: Schumacher conseguiu a pole position e a vitoria en Macau e terminou segundo no Masters de Fórmula 3 de 1995. Na serie alemá da fórmula tres, Schumacher logrou tres vitorias e terminou en segundo lugar no campionato detrás de Norberto Fontana.^[2]

En 1996, o representante de Schumacher, Willi Weber, aseguroulle un asento na tempada de 1996 da Fórmula Nippon, pilotando para o Team Le Mans xunto ao experimentado piloto Naoki Hattori. Schumacher gañou a serie no seu primeiro intento, converténdose no primeiro piloto novato en gañar o campionato.^[1] No mesmo ano, Schumacher e Hattori entraron no Campionato de Grand Touring do Xapón, gañando catro carreiras e logrando o segundo lugar no Campionato GT500 detrás da parella David Brabham e John Nielsen.

O debut de Ralf na máxima categoría produciuse na tempada 1997 de Fórmula 1, con Jordan.^[3] Xa na súa terceira carreira, en Arxentina, logrou acadar o podio e converteuse no piloto máis novo que o fixo ata entón. Na tempada 1999 partiu cara á escudaría Williams,^[4] onde obtivo o sexto lugar no campionato de pilotos na súa primeira tempada.

A tempada 2000 considerouse por moitos como unha frustración importante na carreira de Ralf. O feito de utilizar motores BMW facía crer que se poderían acadar algunhas vitorias, pero os numerosos problemas mecánicos fixeron que apenas puidera igualar a súa marca de 3 podios da tempada anterior. Na tempada 2001, logrou tres vitorias en Imola, Montreal e Hockenheim.

Na tempada 2002 obtivo unha vitoria máis no Gran Premio de Malaisia, e na tempada 2003 acadou co Williams FW25 o máximo chanzo do podio en dúas ocasións (Nürburgring e Francia). Con estas últimas contribucións, colaborou para que Williams puidese alcanzar o segundo posto no campionato de construtores tanto en 2002 como en 2003.

O 20 de xuño de 2004, Ralf sufriu lesións ao accidentarse durante o Gran Premio dos Estados Unidos.^[5] No accidente, o piloto viuse sometido a forzas da orde de 7,8 G, o cal fíxoo un dos máis intensos na historia do automobilismo. O piloto sufriu dúas fracturas menores na columna, e foi substituído polos pilotos Marc Gené primeiro, e Antônio Pizzonia despois. Volveu meses despois á competición para finalizar o seu contrato co equipo de Frank Williams.

En 2005, Ralf comezou unha nova era na súa carreira deportiva ao unirse ao equipo Toyota,^[6] no que, ao longo dos seus tres anos de andaina na escudería xaponesa, obtivo tres podios como mellores resultados. Ao finalizar a tempada 2007, Ralf decidiu marchar de Toyota, aínda que non tiña moitas posibilidades de quedar no equipo.^[7]

(Chave) As carreiras en letra grosa indican pole position; as carreiras en cursiva indican volta rápida.

Wikimedia Commons ten máis contidos multimedia na categoría:  Ralf Schumacher

• Páxina oficial

Este artigo sobre deporte é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.