Rosh HaAyin

Rosh HaAyin

רׂאש הַעָיִן (he)
Localización
32°05′N 34°57′L / 32.08, 34.95
Estado	Israel
Distrito	Distrito Central (pt)
Subdistrito	Petah Tikva (sub-district) (en)
Poboación
Poboación	56.300 (2018) (2.308,32 hab./km²)
Xeografía
Superficie	24,39 km²
Altitude	30 m
Datos históricos
Cronoloxía 1949 1950
Identificador descritivo
Código postal	48100–48104
Outro
Irmandado con	Praga Dachau Odesa Cixi City (en) Birmingham (2000–) Vanves (2009–) Nova Orleáns (2012–)
Páxina web	rosh-haayin.muni.il

Este artigo amosa escritos hebraicos. Sen o soporte axeitado, o texto pode mostrar símbolos sen sentido, coma caixas, marcas e outros.

Rosh HaAyin (en hebreo רֹאשׁ הָעָיִן, en árabe روش هاعين, literalmente Fonte Superior) é unha cidade de Israel pertencente ao Distrito Centro de Israel. Ao oeste de Rosh HaAyin está a fortaleza de Antipatris e a fonte do río Yarkon. Ao sueste está a fortaleza de Migdal Afek (Migdal Tzedek).^[1] No ano 2009 a poboación da cidade era de 38.500.^[2] A cidade está situada a 25 km ao leste de Tel-Aviv.

Rosh HaAyin foi fundada na década de 1950 preto do lugar onde se atopaba a antiga Antipatris, nos terreos da vila palestina de Majdal Sadek, tamén coñecida como Majdal Yaba (que significa torre de Iafa). Os residentes palestinos foron forzados a marchar en xullo de 1948, logo de que se establecera o estado de Israel. Moitos dos xudeus residentes logo de 1950 eran xudeus iemenís chegados en avión a Israel en 1949 e 1950 na Operación Alfombra Máxica.

Durante décadas Rosh HaAyin foi coñecida como "a cidade iemení". Así a todo, na década dos '90 construíronse novos e grandes barrios, constituíndo de feito unha nova cidade que atraeu a un considerable número de xudeus doutras orixes. A cidade mantén aínda, con todo, unha gran poboación iemení, concentrada principalmente nos varrios máis vellos.

Segundo o Israel Central Bureau of Statistics (CBS), en 2001 o principal grupo étnico na cidade eran os xudeus e os non-árabes, cun 99,8 % da poboación, non contando cunha poboación árabe significativa. Tiña 17.400 homes e 17.400 mulleres.

Hai unha gran cantidade de xente nova, sendo a porcentaxe por idades de:

• 40,7 % de 0-19 anos.
• 12,7 % de 20-29 anos.
• 25,8 % de 30-44 anos.
• 13,0 % de 45-59 anos.
• 2,6 % de 60-64.
• 5,3 % de 65 anos e máis.

A taxa de crecemento anual está en torno ao 2,5 %.

• Birmingham
• Nova Orleáns
• Praga
• Vanves
• Kiryat Bialik

• Sitio web oficial (en hebreo) (en inglés)
• Imaxes en pbase.com