Río Liffey

Río Liffey

(ga) An Life
Tipo	río
Inicio
País da cunca	Irlanda
División administrativa	Irlanda
Final
Localización	Mar de Irlanda
53°09′23″N 6°17′17″O / 53.15625, -6.28806 B 53°20′37″N 6°11′31″O / 53.34358, -6.19192
Afluente	Río Dodder, Río Poddle, Río Camac, Rye (en)
Características
Tamaño	125 () km
Medicións
Caudal	13,8 m³/s

O río Liffey (en irlandés An Life) é un río de Irlanda que flúe atravesando o centro da cidade de Dublín. Ten unha lonxitude de preto de 125 quilómetros e nace no monte Kippure, no condado de Wicklow. Despois percorre o condado de Kildare antes de chegar ó de Dublín. As súas augas desembocan na baía de Dublín, no mar de Irlanda.

O nome orixinario do río era An Ruirthech, que significa "corredor rápido (ou forte)"^[1]. A verba Liphe (ou Life) referíase orixinariamente ao nome da chaira pola que corría o río, pero co tempo chegou a referirse ao río en si mesmo.^[2] Tamén se lle coñeceu como o Anna Liffey, posiblemente tralo préstamo lingüístico do irlandés Abhainn na Life.

O río Liffey emerxe entre Kippure e Tonduff nas montañas de Wicklow. Percorre uns 125 km a través dos condados de Wicklow, Kildare e Dublín antes de desembocar no mar de Irlanda, na Baía de Dublín.

O sistema do Liffey inclúe ducias de ríos menores e regatos, entre os que se atopan o Shankill, o Brittas, o Painestown, o Water, o Carmac, o Bradoge, o Poddle e o Dodder.

Entre as vilas asentadas ao longo do río están Ballymore Eustace, Athgarvan, Kilcullen, Newbridge, Caragh, Clane, Celbridge, Leixlip e Lucan antes de chegar á cidade de Dublín.