Río Grande do Sur

Río Grande do Sur
	Rio Grande do Sul (pt)
	Bandeira Brasón
Himno	Hino Rio-Grandense (pt)
Localización
	29°45′S 53°09′O / -29.75, -53.15
Estado	Brasil
Capital	Porto Alegre
Contén a división administrativa	Aceguá (pt) ; Agudo ; Ajuricaba (pt) ../... 495+
Poboación
Poboación	11.322.895 (2017) (40,19 hab./km²)
Lingua usada	Língua caingangue (pt) ; Guarani chiripá (pt) ; Lingua baixo alemá
Xeografía
Parte de	Rexión Sur do Brasil ; Zona de Integración do Centro Oeste de América do Sur
Superficie	281.707,1 km²
Bañado por	Río Uruguai, Lagoa dos Patos (pt) e océano Atlántico sur
Altitude	121 m
Punto máis alto	Pico do Monte Negro (pt) (1.398 m)
Comparte fronteira con	Santa Catarina ; Departamento de Rivera ; Departamento de Cerro Largo ; Departamento de Treinta y Tres ; Departamento de Artigas ; Misiones ; Provincia de Corrientes ; Departamento de Rocha
Datos históricos
Precedido por	São Pedro do Rio Grande do Sul (pt)
Creación	1889
Organización política
Órgano executivo	secretariado do governo do Rio Grande do Sul (pt)
• Governador (pt)	Eduardo Leite (pt) (2019–2022)
Órgano lexislativo	Assembleia Legislativa do Rio Grande do Sul (pt) , (Escano: 55)
Máxima autoridade xudicial	Tribunal de Justiça do Estado do Rio Grande do Sul (pt)
Identificador descritivo
Fuso horario	UTC−03:00; America/Fortaleza (en)
ISO 3166-2	BR-RS
Outro
Irmandado con	Prefectura de Shiga (1980–); Prefectura de Saga (1980–)
Sitio web	rs.gov.br

O Río Grande do Sur é o estado máis meridional do Brasil. Limita ó norte co estado de Santa Catarina, ó leste co océano Atlántico, ó sur coa República Oriental do Uruguai e ó oeste coa República Arxentina. A súa capital é Porto Alegre.

Historia

En 1627 xesuítas españois crearan as primeiras misións católicas na rexión, pero foron expulsados polos portugueses en 1680. En 1687 novamente tentaron crear misións na área que ficou coñecida como Sete Povos das Missões ("Sete Pobos das Misións"), e novamente foron expulsados en 1737.

Sendo a rexión punto estratéxico para a ocupación portuguesa no sur do Brasil, foi fundada en 1742 a vila de Porto dos Casais, actual cidade de Porto Alegre, coa axuda de colonos vidos das illas dos Azores. As loitas polo dominio da rexión cesaron en 1801, cando os gauchos tomaron os Sete Pobos das Misións, incorporando o seu territorio. En 1807, o Río Grande do Sur foi elevado á condición de Capitanía.

Despois da independencia do Brasil, a entón capitanía tornouse provincia. En 1824 chegaron os primeiros colonos alemáns na zona do actual municipio de São Leopoldo.

En 1835 comezou unha rebelión contra o goberno da rexencia do Imperio do Brasil, que durou ata 1845 e foi coñecida como a Guerra dos Farrapos. Esta rebelión foi o máis longo conflito militar interno do Brasil. Máis tarde, en 1865, a provincia foi invadida por tropas do ditador Francisco Solano López, durante a Guerra da Tripla Alianza.

Casa de pedra de inmigrantes italianos, en Caxias do Sul.

En 1875 comezaron a chegar os primeiros inmigrantes italianos, que fundaron cidades como Caxias do Sul, Bento Gonçalves e Garibaldi. Coa proclamación da república en 1889, o Río Grande do Sur converteuse en estado. As disputas políticas locais só foron pacificadas cando Getúlio Vargas chegou a gobernador, en 1928.

Xeografía

O estado do Río Grande do Sur ocupa unha superficie de 281.748,6 km², equivalente en tamaño ó Ecuador ou 3 veces o tamaño de Portugal e pouco máis de 3 % da superficie total do Brasil. A súa poboación equivale a un 6% da poboación total do país.

As principais cidades do estado en poboación total, son: Porto Alegre, Caxias do Sul, Pelotas, Canoas, Rio Grande e Santa Maria.

O estado posúe catro tipos principais de vexetación:

A Foresta de Araucarias, formada pola conífera Araucaria angustifolia ou piñeiro do Paraná. Esta foresta recubría as porcións máis elevadas do estado, o planalto.
A Pampa, formada por extensas pradarías que serven de pastos naturais
A vexetación litoral, que cobre os areais ó longo da costa
A mata atlántica, continuación da foresta tropical que cubría orixinalmente o leste do Brasil, dende o Rio Grande do Norte. Para o oeste, chegaba ata o Paraguai.

O clima predominante do estado é o subtropical húmido, con estacións ben definidas. Nas rexións montañosas da Serra Gaucha poden rexistrarse temperaturas por baixo dos 0 °C e a caída de neve en días máis fríos do inverno. A mínima rexistrada no estado foi de -13 °C no ano de 1996 no municipio de São José dos Ausentes. Xa as cidades de Uruguaiana, Lageado e Campo Bom ten os récords do estado en temperaturas altas no verán, chegando cerca dos 40 °C.

Economía

Industria

É o máis grande produtor de calzados do Brasil, axudado polo unha importante gandería. Tamén produce cigarros, produtos petroquímicos, téxtiles, madeira e derivados. A General Motors abriu unha planta de produción no estado, que pode producir ata 200 mil vehículos por ano, dato este que tamén trouxo a instalación de fábricas de pezas automobilísticas para o estado.

Agricultura e gandería

O estado é importante produtor de arroz (vendido para todo o país), soia, millo e trigo. Tamén produce tabaco usado para producir cigarros que o estado exporta. Na Serra Gaucha (nas cidades de Bento Gonçalves, Caxias do Sul e Garibaldi) cultívase a vide.

Turismo

O turismo é outra importante fonte de renda do estado, sobre todo nas rexións da Serra Gaucha de colonización alemá (Nova Petrópolis, Canela, Gramado), e italiana (Bento Gonçalves, Caxias do Sul, Garibaldi) cos seus costumes típicos. Ademais das curiosidades históricas, estas cidades albergan paisaxes fascinantes, como a Cascada do Caracol na cidade de Canela, e os canyons de Itaimbezinho e Fortaleza en Cambará do Sul e São José dos Ausentes, ademais dunha gastronomía moi rica, grazas ás influencias gaucha e dos inmigrantes. Gramado tamén alberga un Festival de Cinema que atrae público para asistir a filmes de produción nacional. En días máis fríos de inverno, a caída de neve tamén pode ser un atractivo na Serra Gaucha, principalmente en São José dos Ausentes, considerada a cidade máis fría do estado. A Serra Gaucha recibe millares de visitantes todos os anos.

No litoral destacan as cidades de Torres, Capão da Canoa e Tramandaí, que tamén atraen turistas dos países veciños, a Arxentina e o Uruguai. O litoral de Torres está marcado pola presenza de cantís pronunciados, que atinxen os 30 metros de altura.

No interior do estado, destacan a rexión do Pampa, coa súa actividade de gandería e os costumes dos gauchos, e a Rexión das Misións Xesuítas (cidade de Santo Ângelo). Ó suroeste do estado destaca a rexión do Banhado do Taim, que alberga mamíferos (roedores, carnívoros), réptiles e aves, moitos destes ameazados de extinción.

Demografía

A poboación do estado descende de inmigrantes europeos, destacando os italianos e alemáns, que fundaron cidades na rexión da Serra Gaucha, pero tamén de portugueses, principalmente das illas Azores (estes en Porto Alegre e no litoral).

O gaucho típico resulta da mestura de españois e portugueses con indios guaraní e charrua (unha etnia hoxe extinta) e tamén africanos. Descenden dos primeiros poboadores da pampa, instalados a partir do século XVI, que vivían de cazar o gando que fuxía e se criaba solto tornándose salvaxe, nesta rexión de pastos naturais. Existen gauchos tamén na Arxentina e no Uruguai. Hai tamén uns poucos índios puros, de etnias guaraní e kaingang.

Véxase tamén

Outros artigos

Ligazóns externas