Príncipe da Beira

Príncipe da Beira é, desde 1734, o título dado ao sucesor do herdeiro da Coroa de Portugal que, á súa vez ten o título de Príncipe Real. Sería así un título honorífico destinado a sinalar ao segundo individuo da liña sucesoria. O territorio ao que fai referencia o título é a antiga provincia portuguesa da Beira. Hoxe en día é usado por Afonso de Santa Maria, fillo máis vello do pretendente ao trono portugués, o Príncipe Real Duarte Pio.

O título Princesa da Beira foi creado en 1645, por João IV, como designación da filla máis vella do monarca, independentemente de ser ou non, herdeira da coroa. O título Príncipe do Brasil estaba reservado aos primoxénitos homes do monarca, estes si, cando existisen, sempre herdeiros da coroa. Até entón o herdeiro real tiña o simple título de Príncipe, sendo que a filla máis vella do monarca só o recibía se non tivese irmáns homes.

O 17 de decembro de 1734 o rei João V reorganiza o sistema de títulos da familia real. A partir de aí, tanto o título de Príncipe do Brasil como o de Príncipe da Beira poderían ser atribuídos a persoas dos dous sexos. Pasaba a ser Príncipe ou Princesa do Brasil o herdeiro ou herdeira ao trono. O título de Príncipe da Beira pasaba a ser o do fillo herdeiro do Príncipe do Brasil (por tanto, o segundo na liña de sucesión). Polo novo sistema, a primeira Princesa da Beira foi a neta de João V, Maria Francisca, futura raíña Maria I. O Primeiro Príncipe da Beira do sexo masculino foi José, fillo da Princesa Maria Francisca.

Ao título de Príncipe da Beira é asociado o tratamento de Alteza Real (S.A.R.)

1. Joana (1638-1645-1653), na calidade de filla máis vella de João IV
2. Catarina Henriqueta (1639-1653-1705), na calidade de filla máis vella de João IV, en virtude da morte da Princesa Joana, tornándose despois Raíña de Inglaterra
3. Isabel Luísa (1668-1683-1690), na calidade de filla máis vella de Pedro II, sendo presunta herdeira do trono até ao nacemento do Príncipe João
4. Maria Bárbara na calidade de filla máis vella de João V, tornándose despois Raíña de España

1. Maria Francisca (1734-1816), na calidade de primoxénita do Príncipe José (herdeiro presunto ao trono), tornándose despois, sucesivamente, Princesa do Brasil e Raíña.
2. José (1761-1788), na calidade de primoxénito da Princesa Maria Francisca (presunta herdeira ao trono), tornándose despois Príncipe do Brasil.
3. Maria Teresa (1793-1874), na calidade de primoxénita do Príncipe João (herdeiro presuntivo do trono), perdendo o título ao nacer Francisco António, por este ser home.
4. Francisco António (1795-1801), na calidade de home máis vello do Príncipe João (presunto herdeiro ao trono).
5. Pedro de Alcântara (1798-1834), despois da morte de Francisco António, na calidade home primoxénito do Príncipe João (herdeiro presunto ao trono), tornándose despois, sucesivamente, Príncipe Real do Reino Unido de Portugal, Brasil e Algarves, Emperador do Brasil e Rei de Portugal.
6. Maria da Gloria (1819-1853) (1ª vez), na calidade de primoxénita herdeira do Príncipe Pedro de Alcântara, perdendo o título ao nacer João Carlos, por este ser home.
7. Miguel (1820), na calidade de home máis vello do Príncipe Pedro de Alcântara.
8. João Carlos (1821-1822), na calidade de home máis vello do Príncipe Pedro de Alcântara.
9. Maria da Gloria (1819-1853) (2ª vez), en virtude de volver a ser a herdeira de Pedro de Alcântara en relación ao trono de Portugal, ao morrer o Príncipe João Carlos.
10. Lois Filipe (1887-1908), na calidade de primoxénito do Príncipe Carlos (presunto herdeiro ao trono), tornándose despois Príncipe Real.

Reinvindicaron, tamén, o título de Príncipe da Beira:

1. Duarte Pio (nado en 1945), na calidade de primoxénito de Duarte Nuno (pretendente ao trono), adquirindo despois o título de Príncipe Real, que reinvindica igualmente.
2. Afonso de Santa Maria (nado en 1996), na calidade de primoxénito de Duarte Pio (pretendente ao trono).