Paseo do Prado

Paseo do Prado

Tipo	paseo boulevard (pt) rúa
Localización
División administrativa	Retiro, España
40°24′51″N 3°41′37″O / 40.4142, -3.6936
Conéctase con	Calle de Alcalá Plaza del Emperador Carlos V (en) calle de Atocha (pt) plaza de Cánovas del Castillo (pt) Cuesta de Moyano, Madrid (en) Calle de los Madrazo, Madrid (en) Calle de Zorrilla (pt) Plaza de la Lealtad (en) Calle de Montalbán, Madrid (en) Calle del Gobernador (en)
Características
Dimensións	1,1 () km
Ben de interese cultural
Tipo	Monumentos do patrimonio histórico de España
Data	4 de novembro de 1999
Identificador	RI-51-0004725

O paseo do Prado é o xardín histórico urbano máis antigo de Madrid, declarado Ben de interese cultural e un dos seus paseos máis importantes e coñecidos. Articúlase segundo un eixe norte-sur, dende a praza de Cibeles ata a praza do Emperador Carlos V, popularmente coñecida como glorieta de Atocha. Á metade do seu percorrido conflúe coa praza da Lealdade e coa praza de Cánovas del Castillo, onde se sitúa a fonte de Neptuno.

Xunto cos paseos da Castellana e Recoletos, que se estenden ao norte, conforma un dos principais eixes viarios da cidade, ao conectar a zona setentrional desta coa meridional.

No terreo cultural, o paseo do Prado alberga un dos principais focos museísticos de España. Nel sitúanse os museos do Prado e Thyssen-Bornemisza e nas súas inmediacións áchase o Centro de Arte Raíña Sofía, promovidos turisticamente baixo a denominación de Paseo ou Triángulo da Arte.

Neste paseo tamén se encontran diferentes monumentos e recintos de interese histórico-artístico, levantados no século XVIII dentro do proxecto urbanístico do Salón do Prado, ademais de numerosos motivos ornamentais e paisaxísticos. Destacan o Edificio Villanueva, sede principal do Museo do Prado, o Real Xardín Botánico e os conxuntos escultóricos das fontes de Neptuno, Cibeles e Apolo.

Wikimedia Commons ten máis contidos multimedia na categoría:  Paseo do Prado

• Un percorrido virtual pola historia do «Paseo do Prado e Retiro» para conquistar a Unesco (en castelán)