Suzanne Lenglen

Suzanne Lenglen

Biografía
Nacemento	(fr) Suzanne Rachel Flore Lenglen 24 de maio de 1899 16º distrito de París, Francia
Morte	4 de xullo de 1938 (39 anos) 16º distrito de París, Francia
Causa da morte	leucemia Anemia perniciosa
Lugar de sepultura	Saint-Ouen Cemetery (en)
Lateralidade	destro
Actividade
Ocupación	tenista
Período de actividade	agosto de 1926 -
Nacionalidade deportiva	Francia
Deporte	tenis
Disciplina deportiva	tenis individual
Man de xogo	destro
Modalidade Partido de tenis Récord persoal Tenis individual   81 Hall of fame Info HOF
Participou en
1920	tennis at the 1920 Summer Olympics – women's singles (en)  (medalla de ouro olímpica)
1920	tennis at the 1920 Summer Olympics – women's doubles (en)  (Medalla de bronce olímpica)
1920	tennis at the 1920 Summer Olympics – mixed doubles (en)  (medalla de ouro olímpica)
Premios
(1921)  prix Monique-Berlioux (en)  International Tennis Hall of Fame
Descrito pola fonte	Obálky knih, Great Women Athletes of the 20th Century (en)

Suzanne Rachel Flore Lenglen, nada en París o 24 de maio de 1899 e finada na mesma cidade o 4 de xullo de 1938, foi unha tenista francesa, campioa olímpica, que obtivo 31 títulos de Grand Slam, doce deles individuais. Foi a primeira muller en converterse en tenista profesional. Dominou o tenis feminino entre 1919 e 1926. Alcumada "a divina" pola prensa francesa,^[1] está considerada a primeira gran diva e campioa do tenis feminino, deporte en que rompeu barreiras cun xogo apaixonado. Negociou co deseñador Jean Patou a confección da súa roupa deportiva e en 1921 revolucionou o vestiario do tenis xogando cos brazos descubertos e con saias un pouco por debaixo dos xeonllos.^[2][3]

Aos 14 anos xogou a súa primeira final dun grande aberto de tenis. Perdeu a final en 1914 mais meses despois converteuse na tenista máis nova en gañar un grande aberto ao conquistar o Campionato Mundial de Pista Dura, marca aínda vixente. Gañou seis torneos de Wimbledon entre 1919 e 1925 e seis Roland Garros entre 1920 e 1926. Foi ademais autora de varios libros sobre tenis.

En xuño de 1938 foi diagnosticada con leucemia e só tres semanas despois quedou cega. A principios de xullo, a prensa francesa anunciou que Lenglen estaba extremadamente fatigada e faleceu poucos días despois de anemia perniciosa.^[4][5] Foi enterrada no Cimetière de Saint-Ouen en Saint-Ouen, nas proximidades de París.

Durante a súa carreira, Lenglen gañou 81 títulos individuais, sete dos cales os conseguiu sen perder ningún xogo, 73 títulos en dobres e 8 títulos en dobres mixtos. Mantense como a única xogadora en gañar os títulos de Wimbledon en individuais, dobres e dobres mixtos no mesmo ano (1920, 1922 e 1925).

O número total de Grand Slam gañados é de 31, aínda que os títulos obtidos no Campionato de Francia non se contabilizan sempre porque o torneo non estivo aberto a todos os xogadores ata 1925. De aí que algunhas fontes acrediten só 21 títulos.

Ano	Torneo	Opoñente na final	Marcador
1914	World Hard Court Championships	Germaine Golding	6-3, 6-2
1919	Wimbledon	Dorothea Douglass	10-8, 4-6, 9-7
1920	Wimbledon (2)	Dorothea Douglass	6-3, 6-0
1921	World Hard Court Championships (2)	Molla Bjurstedt Mallory	6-2, 6-3
1921	Wimbledon (3)	Elizabeth Ryan	6-2, 6-0
1922	World Hard Court Championships (3)	Elizabeth Ryan	6-3, 6-2
1922	Wimbledon (4)	Molla Bjurstedt Mallory	6-2, 6-0
1923	World Hard Court Championships (4)	Kathleen McKane Godfree	6-2, 6-3
1923	Wimbledon (5)	Kathleen McKane Godfree	6-2, 6-2
1925	Roland Garros (5)	Kathleen McKane Godfree	6-1, 6-2
1925	Wimbledon (6)	Joan Fry Lakeman	6-2, 6-0
1926	Roland Garros (6)	Mary Browne	6-1, 6-0

C = Campioa. SF = Semifinal. 3R = 3.ª rolda. 2R = 2.ª rolda. 1R = 1.ª rolda NC = non celebrado. A = Ausente, non participou. GX = Torneos gañados / Torneos xogados

• En 1997 a segunda pista do estadio Roland Garros, onde se xoga o Aberto de Francia, pasou a denominarse "Pista Suzanne Lenglen" na súa honra.
• Catro anos despois, a Federación Francesa de Tenis organizou a primeira Copa Suzanne Lenglen para mulleres de máis de 35 anos. Se ben primeiro se levou a cabo en Francia, este evento dispútase nun país diferente cada ano.
• Lenglen foi incluída no Salón da Fama do Tenis Internacional en 1978.
• O 24 de maio de 2016 Google dedicoulle un doodle o día en que cumpriría 117 anos argumentando que "ela rompeu barreiras a través do seu xogo apaixonado, vestimenta pouco tradicional e a súa postura en contra das formalidades do deporte. Coa influencia de Lenglen o tenis feminino obtivo a atención que merecía e converteuse nun deporte non só para algúns, senón para todos".^[3]

Wikimedia Commons ten máis contidos multimedia na categoría:  Suzanne Lenglen

• La Méthode d'initiation au tennis de Suzanne Lenglen por Jean Tillier, Féderation française de lawn tennis. Gallimard 1942