Schellenberg

Schellenberg

Localización
47°13′42″N 9°32′22″L / 47.2283, 9.5395
Estado	Liechtenstein
Capital	Vaduz
Poboación
Poboación	1.091 (2019) (311,71 hab./km²)
Lingua oficial	lingua alemá
Xeografía
Superficie	3,5 km²
Altitude	626 m
Comparte fronteira con	Ruggell Eschen Gamprin Mauren
Organización política
• Xefe do goberno	Norman Wohlwend (en)
Identificador descritivo
Código postal	9488
Prefixo telefónico	7011
ISO 3166-2	LI-08
Sitio web	schellenberg.li

Schellenberg é un concello situado no norte do principado de Liechtenstein. Contaba en 2010 cunha poboación de 1.013 habitantes.

Schellenberg é o municipio de menor altitude de Liechtenstein, e atópase situado a beiras do Rin. Ademais é o municipio máis pequeno en superficie de todo o principado. O municipio limita ao nordés e leste con Feldkirch (Austria), ao sur con Mauren, Eschen e Gamprin, e ao oeste con Ruggell.

A zona foi habitada en principio polos celtas e logo polos réticos. Roma conquistou a zona no ano 15 a.C., converténdoa en parte da provincia de Recia. A provincia converteríase máis tarde nun condado baixo a rexencia de Carlomagno. O condado foise dividindo progresivamente debido á herdanza de pais a fillos.

O Señorío de Schellenberg foi comprado polos Condes de Vaduz en 1437 e ambos continuaron unidos na práctica desde entón. Logo da guerra suaba en 1499, os dous caeron baixo soberanía feudal de Austria. Varias dinastías de condes compraron e venderon estes territorios, ata que a comezos do século XVIII foron comprados pola dinastía de Liechtenstein, a cal recibira o recoñecemento de Principesca en 1706, pero necesitaba adquirir un territorio próximo á cabeza do imperio para poder participar nas votacións dos Príncipes do Imperio. O Emperador uniu formalmente os territorios de Vaduz e Schellenberg en 1719.

• Concello de Schellenberg.
• Parroquia de Schellenberg.
• Museo de historia da cidade.
• Castelo de Schellenberg.
• Fortaleza de Eschellemberg.

O medio de transporte máis empregado é o tren, xa que a estación máis próxima está en Ruggell, ao norte do municipio. Outro transporte importante é a bicicleta, xa que Schellenberg é o lugar máis chairo de todo o país. O autobús úsase para cubrir grandes distancias, por exemplo ir desde aquí ata Vaduz. O menos usado é o coche, xa que as rúas normalmente están desertas.

Aínda que en Schellenberg non hai un club de fútbol, gran parte da cidade anima ao FC Ruggell, do municipio veciño. Entre outros deportes, destacan os deportes acuáticos, como natación, remo, piragüismo e salto. Outros deportes numerosos son o ciclismo (en Schellenberg realízase unha carreira cada ano chamada Schellenberg's Competition), o tenis e balonmán.

Wikimedia Commons ten máis contidos multimedia na categoría:  Schellenberg

• Sitio oficial do municipio de Schellenberg (en alemán)