Museo do Videoxogo
| Museo do Videoxogo | |
|---|---|
 | |
| Coordenadas | |
| Cidade | Cangas |
| Director | Jacobo Martínez Nieto |
| Inauguración | 2 de febreiro de 2019 |
| Na rede | |
| www.muvi.gal | |
    | |
| [ editar datos en Wikidata ] | |
O Museo do Videoxogo (abreviado como MUVI[1], ás veces estilizado como MUVi[2]) é un museo xestionado pola Fundación Museo do Videoxogo de Galicia[3]. Está dedicado a preservar e reivindicar o videoxogo como elemento cultural[3], poñendo especial atención ao videoxogo galego[4]. Sitúase no concello de Cangas.
Historia
[editar | editar a fonte]O Museo do Videoxogo abriu por primeira vez en febreiro de 2019[5], e trasladouse a un espazo máis amplo en setembro de 2022[6][7]. Neste novo espazo, ten capacidade para máis de 100 visitantes e diferentes estancias para expoñer as pezas do museo[7].
Espazos do museo
[editar | editar a fonte]No museo existen varios espazos, aos que se pode acceder en función da modalidade da visita[8]. Nas visitas de balde pódense ver a exposición principal e a Sala do Videoxogo Galego, onde se conservan e expoñen os videoxogos producidos en Galicia. Nas visitas pagas, pódense visitar ademais a Habitación da Memoria (unha recreación dun dormitorio adolescente dos anos 80[9]), a Zona de Experimentación e o seu Salón Arcade (que recrea un salón de máquinas recreativas).
Notas
[editar | editar a fonte]- ↑ "Abre en Cangas o primeiro museo galego do videoxogo: "Son unha manifestación cultural máis"". Praza Pública. 2019-01-30. Consultado o 2024-08-22.
- ↑ "Museo do Videoxogo - MUVI". Museo do Videoxogo - MUVI. Consultado o 2024-08-22.
- ↑ 3,0 3,1 "A nosa misión". Museo do Videoxogo. Consultado o 22-08-2024.
- ↑ "El templo de los videojuegos y el primero de España, así es el Museo do Videoxogo de Cangas". Metropolitano.gal. 23-09-2023. Consultado o 22-08-2024.
- ↑ Jarkendia (2019-02-16). ""El videojuego es tan diverso y rico como la sociedad". Entrevistamos a los creadores de MUVI (Museo do Videoxogo) en Galicia". Vidaextra (en castelán). Consultado o 2024-08-22.
- ↑ Atlántico (2022-08-30). "El nuevo Museo do Videoxogo abre en Cangas el 10 de septiembre". Atlántico (en castelán). Consultado o 2024-08-22.
- ↑ 7,0 7,1 Diario, Nós (2022-08-30). "Así será o novo Museo do Videoxogo de Cangas". Nós Diario. Consultado o 2024-08-22.
- ↑ "Visita o Museo". Museo do Videoxogo - MUVI. Consultado o 2024-08-22.
- ↑ "Fundación Museo do Videoxogo on LinkedIn: #museo #videoxogo #fundación #muvi #memoria #protector #colaboracion #tic…". es.linkedin.com (en inglés). Consultado o 2024-08-22.