José Novás Soto
| Biografía | |
|---|---|
| Nacemento | c. 1907  Mañón, España |
| Morte | 27 de agosto de 1936 (28/29 anos) Mañón, España |
| Causa da morte | paseo, ferida por arma de fogo |
| Educación | Escola Normal de Santiago de Compostela |
| Actividade | |
| Ocupación | mestre, político |
 | |
José Novás Soto, nado en Mañón cara a 1907 e finado no mesmo concello o 27 de agosto de 1936, foi un mestre e político galego.
Traxectoria
[editar | editar a fonte]Estudou Maxisterio na Escola Normal de Santiago de Compostela, rematando a carreira en 1927.[1] Foi nomeado mestre interino das Pontes de García Rodríguez en 1927,[2] da escola de Mañón en 1929,[3] e da de Santaballa (Ortigueira) en 1932.[4] Militante da UGT. En 1936 era mestre de San Claudio (Ortigueira). Co golpe de Estado do 18 de xullo de 1936 foi detido. Foi destituído como mestre en agosto.[5] Foi asasinado o 27 de agosto de 1936 e a súa morte foi rexistrada a mans da "Fuerza Pública".
