John Wyndham

John Wyndham

Biografía
Nacemento	(en) John Wyndham Parkes Lucas Beynon Harris 10 de xullo de 1903 Dorridge, Reino Unido (pt)
Morte	11 de marzo de 1969 (65 anos) Londres, Reino Unido
Educación	Bedales School (en) Blundell's School (en) Shardlow Hall (en)
Actividade
Campo de traballo	Lista de escritores de ficção científica (pt)
Ocupación	escritor de ciencia ficción, guionista, escritor, novelista, marchante de arte
Período de actividade	1931 -
Xénero artístico	Literatura de ciencia ficción
Pseudónimo literario	John Wyndham John Beynon Lucas Parkes
Carreira militar
Rama militar	Exército Británico
Conflito	segunda guerra mundial
Familia
Pais	George Beynon Harris   e Gertrude Hunt Parkes
Irmáns	Vivian Beynon Harris
Descrito pola fonte	Obálky knih,

John Wyndham Parkes Lucas Beynon Harris, nado o 10 de xullo de 1903 en Knowle e finado en 1969, foi un escritor británico.

Fillo dun avogado, intentou varias profesións (desde agricultor ata tratante de arte ou publicista) ata que comezou a escribir a finais dos 30, onde os seus relatos curtos detectivescos ou de ficción científica alcanzaron un éxito limitado. Enrolouse no exército da súa Maxestade durante a segunda guerra mundial, e participou no desembarco en Normandía. Este feito marcaríalle tan profundamente que supuxo que logo da guerra decantásese polas historias catastróficas e apocalípticas, principalmente de invasións extraterrestres. Por exemplo, o seu maior éxito, 'The Day of the Triffids', que está escrito xusto tras terminar a guerra, é fundamentalmente unha historia de invasión de Gran Bretaña por parte de "estranxeiros" (neste caso, os Trífidos).

Wyndham non gustaba de publicitarse, e é pouco o que se coñece da súa vida.

A obra de Wyndham mestura ficción científica con horror. Por exemplo, Os coitelos de Midwich na súa versión cinematográfica deu orixe a O pobo dos malditos, unha historia onde a invasión de extraterrestres faise mediante o nacemento -simultáneo- duns estraños pícaros de tódalas mulleres fértiles do pobo de Midwich. Nenos todos louros, de ollos azuis, moi intelixentes e, como se descobre posteriormente, con poderes telepáticos. A propia O día dos trífidos é a historia da loita contra unhas perigosas plantas carnívoras andantes por parte dunha humanidade cegada por unhas estrañas luces no ceo e en O kraken axexa, a invasión extraterrestre provén do fondo do mar. O máis terrible destas historias é que a humanidade non se enfronta con terribles monstros, senón con situacións aparentemente "normais": a Wyndham encántalle describir os pobos da campiña inglesa, eses mesmos pobos que serán invadidos por horrorosos aliens.

A evolución é un tema sempre presente nas súas obras. A maioría dos aliens invasores podemos interpretalos como especies mellor adaptadas que o home que se fan co control da contorna que os rodea. Neste sentido, 'The Chrysalids' é a súa obra máis paradigmática. Nela describe o fundamentalismo xenético xurdido nunha sociedade posnuclear, que obriga a sacrificar a calquera afectado por unha malformación.

• The Day of the Triffids (1951)
• The Kraken Wakes (1953)
• The Chrysalids (1955)
• The Midwich Cuckoos (1957)
• Trouble with Lichen (1960)

• The Seeds of Time (1956)