Joachim Neander

Joachim Neander

Biografía
Nacemento	1650 Bremen, Alemaña
Morte	31 de maio de 1680 (29/30 anos) Bremen, Alemaña
Causa da morte	tuberculose
Lugar de sepultura	Unser Lieben Frauen Kirchhof (en)
Relixión	Protestantismo
Actividade
Lugar de traballo	Düsseldorf
Ocupación	compositor, escritor de himnos, teólogo, escritor, pastor
Xénero artístico	Música clásica
Movemento	Música barroca
Obra
Obras destacables (1680) Alma, bendize (pt)
Familia
Pai	Joachim Neander
Descrito pola fonte	Nordisk familjebok Allgemeine Deutsche Biographie Dicionario Enciclopédico Brockhaus e Efron

Joachim Neander, nado en Bremen cara a 1650 e finado na mesma cidade o 31 de maio de 1680, foi un pastor protestante, poeta e músico alemán.

A súa data de nacemento é descoñecida: os rexistros de nacemento faltan desde 1646 ata 1650; só se sabe que non aparece mencionado no ano 1651 e que un irmán máis novo ca el naceu en 1652; como o seu pai, que enviuvara en 1648, casara o ano seguinte, 1650 fica practicamente como a única suposición posíbel.

Joachim Neander procedía dunha familia de pastores. O seu avó, seguindo unha moda da época, transformara o seu apelido para aproximalo ao grego, de Neumann a Neander. Foi o primeiro fillo do segundo matrimonio do seu pai, Johann Joachim Neander (1614–1666). O seu pai non seguira a tradición familiar: non se fixera pastor senón profesor no Pædagogium, a escola preparatoria para a Universidade. Joachim renovou con ela e, en 1666, o ano da morte do seu pai, inscribiuse na Universidade de Bremen onde estudou teoloxía. Influenciárono as ideas de Johannes Koch (alcumado Cocceius) e da súa teoloxía da salvación; ficou toda a vida fiel a elas e estas déixanse notar nos seus himnos.

De 1674 a 1678 dirixiu a escola latina de Düsseldorf onde se converteu case nunha lenda: sentíase atormentado polas cuestións relixiosas, o seu avó pasara xa do luteranismo ao calvinismo e el mesmo non se entendía ben cos dogmas e a disciplina da súa igrexa. Intentaba buscar a paz na soidade dun apracible val, chamado daquela Hundsklipp, e que na súa honra se rebautizou como Val de Neander (Neandertal en alemán) e que hoxe é coñecido polo home prehistórico que descubriron nel. Alí foi onde escribiu himnos aínda hoxe populares no protestantismo alemán: entre eles o máis famoso foi Lobe den Herren, den mächtigen König der Ehren. En 1678 foi destinado como pastor a Bremen, pero morreu só dous anos máis tarde.

• Joachim Neander, de Helmut Ackermann e Oskar G. Blarr, Editions Grupello (ISBN 3-928234-67-6). En alemán.

• Noticias escritas polo descendente dun irmán do poeta (en neerlandés, con tradución en inglés).