Isla Cristina

Isla Cristina
Localización
	37°11′58″N 7°19′31″O / 37.199444444444, -7.3252777777778
Estado	España
Comunidade autónoma	Andalucía
Provincia	Provincia de Huelva
Capital	Isla Cristina
Poboación
Poboación	21.603 (2023) (432,06 hab./km²)
Xeografía
Parte de	Ayamonte Notary District (en) ; Q107553418 ; Q107553414 ; Costa Occidental de Huelva (en)
Superficie	50 km²
Bañado por	Océano Atlántico
Altitude	3 m
Comparte fronteira con	Ayamonte ; Villablanca (pt) ; Lepe
Creación	1755 (Xuliano)
Organización política
• Alcaldesa	Maria Luisa Faneca Lopez (en)
Identificador descritivo
Código postal	21410, 21420, 21430 e 21449
Fuso horario	UTC+01:00
Código INE	21042
Outro
Irmandado con	Sevilla ; La Romana (pt)
Sitio web	islacristina.org

Isla Cristina é un municipio español situado na costa occidental da provincia de Huelva, Andalucía, a uns 7 km da fronteira portuguesa e encadrado na comarca da Costa Occidental. No ano 2009 contaba cunha poboación de 21.324 habitantes.^[1] A superficie do municipio é duns 49,36 km².

As súas orixes remóntanse á fundación dunha colonia pesqueira por cataláns e valencianos tras o terremoto de Lisboa de 1755, que creceu ata obter o seu propio concello en 1833 e absorber despois ao antigo municipio de La Redondela en 1887.^[2]

A actividade principal é a pesca, favorecida polo seu importante porto. A súa lonxa é a primeira por poxas de peixe fresco de Andalucía e a segunda por tonelaxe, só superada por Cádiz.^[3] A actividade turística tamén ten unha presenza remarcable.

No termo municipal atópanse as Marismas de Isla Cristina, protexidas mediante a forma de Paraxe Natural, e tamén varias zonas de piñeiro e matogueira do cinto dunar costeiro pertencentes e xestionados por ICONA-INIA. Debido á súa orientación leste-oeste, as postas de sol que acaban entre o mar e a terra serviron de inspiración a varios poetas, chegando a crear a ruta das postas de sol, con citas soadas de afamados poetas como Rafael Alberti, Gerardo Diego, Juan Ramón Jiménez ou Luis Cernuda.^[4]