Henry David Thoreau

Henry David Thoreau
	;
Biografía
Nacemento	(en) David Henry Thoreau ; 12 de xullo de 1817 ; Wheeler-Minot Farmhouse (Estados Unidos de América)
Morte	6 de maio de 1862 (44 anos); Concord (Estados Unidos de América)
Causa da morte	tuberculose
Lugar de sepultura	Sleepy Hollow Cemetery (en)
Relixión	Unitarismo
Educación	Harvard College ; Universidade Harvard
Actividade
Campo de traballo	Escrita, Ética, filosofía política, filosofía social, Filosofía da relixión, naturalismo e historia
Ocupación	poeta, escritor, abolicionista, naturalista, ecoloxista, tradutor, autobiógrafo, autor de diarios, filósofo, ensaísta, ecoloxista
Período de tempo	Filosofia do século XIX (pt)
Xénero artístico	Transcendentalismo (pt)
Movemento	Filosofía occidental
Influencias	Ralph Waldo Emerson, Sociedade Relixiosa dos Amigos, Cinismo, Aristóteles, Homero, Píndaro, Esquilo, Catón, Bhagavad Gita, Charles Darwin, Thomas Carlyle e Alexander von Humboldt
Obra
	Obras destacables (1849) A Desobediência Civil (pt) ; (1854) Walden (pt) ;
Arquivos en	Biblioteca Beinecke de Libros Raros e Manuscritos ;
Familia
Cónxuxe	sen valor
Pais	John Thoreau e Cynthia Dunbar
Irmáns	Sophia Thoreau; Helen L. Thoreau; John Thoreau
Premios
	(1960) Hall of Fame for Great Americans (en) ;
	Sinatura
Descrito pola fonte	Appletons' Cyclopædia of American Biography; Dicionario Enciclopédico Brockhaus e Efron; Obálky knih,

Henry David Thoreau, nado en Concord, Massachusetts, o 12 de xullo de 1817 e finado en Concord o 6 de maio de 1862, foi un escritor, trascendentalista, e filósofo anarquista estadounidense famoso por Walden e mais polo seu tratado Civil disobedience.

Traxectoria

Thoreau foi agrimensor, naturalista, conferenciante e fabricante de lapis. Ademais de ser un dos pais fundadores da literatura norteamericana, hoxe en día é considerado un pioneiro da ecoloxía e da ética medioambientalista. É tamén o conceptualizador das prácticas de desobediencia civil.

Thoreau quixo experimentar a vida na natureza, polo que desde o 4 de xullo de 1845 viviu dous anos nunha fraga preto de Walden Pond, non lonxe da súa familia e amigos en Concord (como Ralph Waldo Emerson). Abandonou a súa cabana o 6 de setembro de 1847 para vivir coa súa familia. Walden, que relata a súa vida na fraga, foi publicada en 1854.

En 1846 negouse a pagar impostos debido á súa oposición á guerra contra México e á escravitude nos Estados Unidos, polo que foi condenado a prisión durante uns días. Deste feito naceu o seu tratado Civil desobedience. Neste texto declárase un dos conceptos principais da súa ideoloxía: a idea de que o goberno non debe ter máis poder que o que os cidadáns estean dispostos a concederlle, chegando a tal punto que propón a abolición de todo goberno, unha ética contraria á capitalista e burguesa, declarándose inimigo do estado. Considerado por algúns como o primeiro ecoloxista, o seu ensaio foi influente en Tolstoi e en Gandhi.

Nas ciencias naturais o seu prestixio é aínda apreciable. Edward O. Wilson comeza os seus libros sobre The future of life (2002) cunha carta dirixida a Thoreau. A súa obra e exemplo manteñen aínda unha forte influencia nos movementos en defensa dos dereitos civís (o propio Martin Luther King expresou abertamente a súa admiración), o pacifismo e o ambientalismo. En 1960 unha efixie de Thoreau entrou no Panteón dos Heroes Norteamericanos da Universidade de Nova York, xunto a George Washington, Benjamin Franklin, Abraham Lincoln, Thomas Edison e Emerson. En 1998, o presidente dos Estados Unidos propúxoo como modelo das mellores prácticas cidadás e afirmou a superioridade moral da desobediencia civil sobre a violencia.

Algunhas obras

A Week on the Concord and Merrimac Rivers (1839).
Desobediencia civil (Civil disobedience, 1849).
Slavery in Massachusetts (1854).
Walden (1854).
A Plea for Captain John Brown (1860).
Camiñando (Walking, 1862)
Excursions (1863).
Vida sen fundamento (Life Without Principle, 1863)
The Maine Woods (1864).
Cape Cod (1865).
Early Spring in Massachusetts (1881).
Summer (1884).
Winter (1888).
Autumn (1892).
Miscellanies (1894).

Publicacións en galego

Desobediencia civil e Vida sen fundamentos, edición conxunta de Edicións Positivas (primeira edición, maio de 2002), con tradución a cargo de Pablo Seoane.
Camiñando, edición de Axóuxere, de 2012, con tradución a cargo de Elva Souto.