Hao Ran

Hao Ran

Biografía
Nacemento	1932 Hebei, República Popular da China (pt)
Morte	20 de febreiro de 2008 (75/76 anos)
Actividade
Ocupación	escritor

Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.

Hao Ran (chinés tradicional e simplificado: 浩然; pinyin: Hào Rán; Wade-Giles: Hao⁴ Jan²), alcume literario de Liang Jinguang (梁金广), foi un escritor chinés nado en 1932 e finado o 20 de febreiro de 2008.^[1] O seu relato "A nova nora" foi publicado en galego por Edicións Xerais, na escolma Flores e leña (1982).^[2]

Hao Ran naceu nunha familia humilde nunha aldea de Tangshan.^[3] Quedou orfo de pai aos dous anos, e a súa nai morreu cando el tiña doce anos.^[3] En 1946, entrou no Partido Comunista da China, onde se dedicou a escribir material de propaganda.^[3] Tamén traballou na revista teórica do Partido, Bandeira Vermella.^[1] En 1949, publicou o seu primeiro relato, "O progreso da miña irmá", na revista literaria A xuventude de Hebei.^[3] En 1958, saíu ao prelo o seu primeiro libro, un conxunto de relatos.^[3] En 1962, publicou a súa primeira novela, Yan Yangtian 艳阳天 ("O sol brillante"), seguida por dúas partes máis en 1965.^[1][3] Foi un dos poucos intelectuais que non foi perseguido durante a Revolución Cultural, chegando a converterse nun modelo a seguir durante este período.^[1][3] Posteriormente, desapareceu da escena literaria chinesa.^[3]

• Varios autores (1982). Flores e leña: Narracións chinesas contemporáneas. Tradución directa ao galego de Fernando Pérez-Barreiro Nolla. Xerais. ISBN 9788475070667

1. ↑ ^{1,0 1,1 1,2 1,3} "Hao Ran: Writer of the Revolution - Asia for Educators - Columbia University". afe.easia.columbia.edu. Consultado o 2023-12-04. 
2. ↑ "Fernando Pérez-Barreiro Nolla - Editorial Xerais". www.xerais.gal. Consultado o 2023-12-04. 
3. ↑ ^{3,0 3,1 3,2 3,3 3,4 3,5 3,6 3,7} Flores e leña: Narracións chinesas contemporáneas. Edicións Xerais. 1982. 

• 浩然 (La literatura china traducida en España)