Filodemo de Gádara

Filodemo de Gádara

Biografía
Nacemento	c. 110 a. C. Gadara, Xordania (pt)
Morte	35 a. C. (74/75 anos) Herculano, Roma Antiga
Actividade
Campo de traballo	Filosofía
Ocupación	filósofo, epigramatista, escritor, poeta
Período de tempo	Período helenístico
Movemento	Epicureísmo
Profesores	Zenão de Sídon (pt)
Descrito pola fonte	Real'nyj slovar' klassicheskih drevnostej po Ljubkeru Dicionario Enciclopédico Brockhaus e Efron Encyclopædia Britannica

Filodemo (en latín: Philodemus, en grego antigo: Φιλόδημος ὁ Γαδαρεύς) foi un filósofo epicúreo e poeta epigramático grego natural de Gádara, en Palestina, que viviu no século -I.

Crese que a famosa vila dos Papiros de Herculano era propiedade del, xa que parece que moitos dos papiros localizados contiñan as súas obras.

Foi contemporáneo de Cicerón, que o atacou con dureza, aínda que sen mencionalo, en In Pisonem, criticando sobre todo o seu carácter, pero louvando a súa habilidade e elegancia poéticas e o seu coñecemento da filosofía. Polo que di Cicerón, pódese concluír que foi un dos filósofos epicúreos máis distinguidos da súa época. Tamén aparece mencionado por Dióxenes Laercio, Estrabón e Horacio.

Os seus epigramas foron incluídos na Antoloxía de Filipe de Tesalónica, e parece que foi o primeiro poeta incluído nesta colección. A Antoloxía grega inclúe 34 dos seus epigramas, xeralmente sobre amor e erotismo, notoriamente elegantes. En prosa, Dióxenes Laercio menciona o libro τῆς τω̂ν φιλοσόφων συντάξεως tēs tōn filosófōn syntákseōs. Outra obra súa era περὶ μουσικῆς perì musikēs (Sobre a música).^[1]