Ecoaldea

Unha ecoaldea é un movemento de persoas, no ámbito mundial, que optan por vivir en comunidade dun xeito diferente ao convencional. As ecoaldeas son modelos, algúns patrocinados por organismos como a UNESCO, que están demostrando que é posíbel outro modo de vivir fóra das redes do gran consumo e o malgaste, cuns principios de ecoloxía e respecto ao medio ambiente^{[Cómpre referencia]}.

Como exemplo, o Goberno do Senegal adoptou este modelo de desenvolvemento rural e recibiu un fondo especial das Nacións Unidas. Trátase de proxectos viábeis repartidos por Europa, África, Oceanía e América, e a proba está en que funcionan.

As bases das ecoaldeas son a sostibilidade e o desenvolvemento humano, aínda que existen multitude de matices que as diferencian: algunhas contemplan a propiedade privada e outras a ocupación de vilas abandonadas; nalgúns casos son confesionais adscritas a algunha relixión e noutros, en cambio, deixan libre elección relixiosa aos seus habitantes; adoitan ser de ámbito rural pero tamén existen exemplos de ecoaldeas urbanas.

• Os alimentos consumidos deberán ser producidos ecoloxicamente, preferentemente na propia comunidade, ou na zona ou rexión na que se acha.
• A construción farase utilizando técnicas e materiais de construción locais, naturais e non tóxicos.
• Todas as actividades produtivas (artesanais, industriais) terán en conta os ciclos vitais dos produtos utilizados, de maneira que en ningún momento do dito ciclo poidan resultar nocivos para a contorno ou para a saúde.
• Os obxectos producidos deberán ser de longa duración, sinxelos de reparar e aptos para seren reciclados.
• A auga e a enerxía consumiranse con moderación, depurando con medios naturais as augas residuais e utilizando fontes de enerxía renovábeis.
• O transporte motorizado reducirase ao mínimo.

• As diversas actividades económicas que se leven a cabo na ecoaldea deberán asegurar a estabilidade económica de tódolos seus membros.
• O traballo organizarase horizontalmente, favorecendo a participación de tódalas persoas involucradas na toma de decisións.
• O consumo será preferentemente local, gastando en produtos da propia comunidade ou do seu contorno inmediato.
• A saúde e a educación serán asumidas, na medida do posíbel, pola comunidade.
• Todo o mundo terá acceso a unha información veraz sobre asuntos da súa incumbencia.
• Todo o mundo estará en igualdade de condicións para participar na toma de decisións sobre asuntos da comunidade.
• Tódalas decisións tomaranse democraticamente, a poder ser coa participación de todos, evitando na medida do posíbel a delegación de poder.

• A ecoaldea será un lugar no que se favoreza a creatividade e a expresión da singularidade de todo ser humano.
• Tamén será un lugar no que se leven a cabo todo tipo de encontros, ritos ou celebracións que contribúan a manter a cohesión do grupo.
• A ecoaldea ha ser un lugar no que se desenvolven e aplican técnicas para a resolución de conflitos.
• A ecoaldea realizará actividades cara ao exterior, co fin de ir promovendo aos poucos esta nova forma de vida.

• Global Ecovillage Network Arquivado 30 de xuño de 2007 en Wayback Machine. (en inglés)
• RIE: Rede Ibérica de Ecoaldeas (en español)
• REA: Red de Ecoaldeas das Américas (en castelán)
• Ecoaldeas na Arxentina (en castelán)

• Cara unha Cidade Ecolóxica: Ecoaldeas Urbanas, Ecobarrios e Ecoveredas (en español)

• Repoblando.org: Lugar de encontro e debate sobre desenvolvemento rural sostible.
• Revista Ecohabitar: Bioconstrución, Permacultura e Vida Sostible
• Ecozona.com: Arquivado 04 de agosto de 2008 en Wayback Machine. O portal de Medio Ambiente e Vida Natural (en español)
• Organización Selba Vida Sostible (en español)
• Foro de repoboación de vilas abandonadas (en español)

• Artigos sobre Ecoaldeas no Diario Clarín^{[Ligazón morta]} (en español)