Duarte de Portugal

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo.

Duarte de Portugal

Nome orixinal	(mis) Eduarte
Biografía
Nacemento	31 de outubro de 1391 Viseu, Portugal
Morte	9 de setembro de 1438 (46 anos) Tomar, Portugal
Causa da morte	peste
Lugar de sepultura	Mosteiro de Batalha
Monarca de Portugal
15 de agosto de 1433 – 9 de setembro de 1438 ← Xoán I de Portugal – Afonso V de Portugal →
Datos persoais
Relixión	Catolicismo
Actividade
Ocupación	rei, escritor
Pseudónimo literario	O Eloquente
Carreira militar
Conflito	Conquista de Ceuta (pt)
Outro
Título	Cabaleiro (1415–) Rei de Portugal
Familia	Dinastía de Avis
Cónxuxe	Leonor de Aragón (1428 (Gregoriano)–)
Parella	Giovanna Manuela de Villena
Fillos	Joao Manoel bâtard de Portugal, Bishop of Couta, Primate of Africa  () Giovanna Manuela de Villena João Manuel de Portugal e Vilhena  () Afonso V de Portugal  () Leonor de Aragón Fernando de Portugal  () Leonor de Aragón Leonor de Portugal, Sacra Emperatriz Romana  () Leonor de Aragón Catarina de Portugal  () Leonor de Aragón Xoana de Portugal  () Leonor de Aragón
Pais	Xoán I de Portugal   e Filipa de Lancaster
Irmáns	Henrique, duque de Viseu Fernando, o Infante Santo Pedro, Duque de Coimbra Afonso I, Duque de Bragança Xoán, Infante de Portugal Beatriz, Condessa de Arundel Isabel de Portugal, Duquesa de Borgoña
Premios
(25 de agosto de 1415)  título de cabaleiro Concedido por Xoán I de Portugal  Orde da Xarreteira
Descrito pola fonte	Nordisk familjebok Dicionario Enciclopédico Brockhaus e Efron Pequeno Dicionario Enciclopédico de Brockhaus e Efron

Duarte I de Portugal, nado en Viseu o 31 de outubro de 1391 e finado en Tomar o 9 de setembro de 1438, foi rei de Portugal.

Era fillo de Xoán I de Portugal e da súa muller Filipa de Lencastre. Sucedeu a seu pai en 1433.

Foi alcumado O Elocuente, polo verbo empregado nas obras que escribiu, é tamén como O Rei filósofo, e formou parte dos chamados príncipes da "Ínclita Xeración".

Recibiu o seu nome en homenaxe ao avó de súa nai, o rei Eduardo III de Inglaterra.

Durante o seu reinado, o seu irmán Henrique estableceuse en Sagres, dende onde dirixiu as navegacións: así, en 1434 Gil Eanes dobrou o Cabo Bojador, un punto lendario da época, cuxa travesía causaba terror aos mariñeiros; aí avanzou - para Angra dos Vermellos en 1435, e Afonso Gonçalves Baldaia alcanzou o Río de Ouro e Pedra da Galé en 1436.

Fóra da esfera política, Duarte foi un home interesado en cultura e coñecemento. Escribiu libros de poesía e prosa. Destes últimos destaca o Leal Conselheiro (un ensaio sobre diversos temas onde a moral e relixión teñen especial enfoque) e o Livro da Ensinança de Bem Cavalgar Toda Sela (en forma de manual para cabaleiros). Estaba a preparar unha revisión do código civil portugués cando a peste negra matouno.

Da súa esposa, a infanta Leonor de Aragón (1402-1455), tivo nove fillos. A raíña foi rexente do reino ata Afonso V acadar a maioría de idade, o que xerou controversia no reino, pois a opinión pública consideraba os infantes Pedro, Henrique e Xoán máis capaces para a rexencia.

Leonor mantívose como rexente ata 1440, asinando os actos rexios como a triste raíña, e nese ano foi substituída polo infante Pedro e afastada da corte. Exiliouse en España e morreu en Toledo. Deste casamento naceron:

• Xoán de Portugal (1429-1433), morreu novo.
• Filipa de Portugal (1430-1439), morreu novo.
• Afonso V de Portugal (1432-1481), sucesor do seu pai no trono portugués.
• María de Portugal (nacida e morta en 1432).
• Fernando de Portugal, duque de Viseu (1433-1470), pai do rei Manuel I de Portugal.
• Leonor de Portugal (1434-1467), casou con Frederico III do Sacro Imperio Romano Xermánico.
• Duarte de Portugal (nado e morto en 1435).
• Catarina de Portugal (1436-1463).
• Xoana de Portugal (1439-1475), casou co rei Henrique IV de Castela e foi nai de Xoana a Beltranexa ou A Excelente Señora.

Rei de Portugal
Segue a: Xoán I de Portugal	Duarte de Portugal (1433-1438)	Precede a: Afonso V de Portugal
	Dinastía de Avis

Wikimedia Commons ten máis contidos multimedia na categoría:  Duarte de Portugal

• Chronica de El-Rei D. Duarte, Rui de Pina (1440-1522), Porto: Renascença Portuguesa, 1914, na Biblioteca Nacional Digital (en portugués).