Dr. Mata
| Dr. Mata | |
|---|---|
| Formato | Telenovela |
| Dirixido por | Sergio Cabrera |
| Intérpretes | Enrique Carriazo Yuri Vargas Nicolás Rincón Geraldine Zivic Luis Fernando Hoyos |
| País de orixe |  Colombia |
| Lingua(s) | Castelán |
| Temporadas | 1 |
| Episodios | 58 |
| Produción | |
| Localización(s) | Bogotá |
| Duración | minutos |
| Emisión orixinal | |
| Canle de orixe | RCN Televisión |
| Primeiro episodio | 18 de marzo de 2014 |
| Derradeiro episodio | 16 de xuño de 2014 |
| [ editar datos en Wikidata ] | |
Dr. Mata é unha serie de televisión colombiana, dirixida por Sergio Cabrera, producida e emitida por RCN Televisión. Baseada na historia do famoso asasino Nepomuceno Matallana e ambientada na década de 1940, contén elementos de realidade e ficción. Estivo protagonizada antagónicamente por Enrique Carriazo, xunto ás actuacións de Yuri Vargas, Geraldine Zivic, Luis Fernando Hoyos e Nicolás Rincón.
Sinopse
[editar | editar a fonte]É o final da segunda guerra mundial. O mundo celebra os xuízos de Nuremberg e chora a morte de Manolete. Na Arxentina, Evita convértese en raíña dos Descamisados, e en Colombia Jorge Eliécer Gaitán demostra o seu poder de convocatoria na marcha dos fachos. Nese escenario, unha empregada do servizo peta na porta das casas señoriais e as portas dos xulgados en Bogotá, buscando xustiza. Sinala a Buenaventura Nepomuceno Matallana, poderoso e rico avogado, como o responsable da desaparición do seu patrón. Ninguén lle cre.
Merceditas Ramos, a empregada, pon as súas escasas probas en mans do xornalista máis famoso da época, Félix González Robledo, famoso polas súas crónicas policiacas. González Robledo une forzas cun avezado investigador, Benito Capote e xuntos comezan a examinar as actuacións do adiñeirado avogado Matallana. Axiña, Merceditas e os seus investigadores atopan probas de ducias de desaparecidos. Non están fronte a un asasino corrente senón fronte a un asasino en serie.
Por conta do trío de investigadores, o prestixioso Matallana vai ao cárcere co seu nome convertido nun alias: “Doctor Mata”. O home xura vinganza contra Merceditas e o asasinato de Jorge Eliécer Gaitán bríndalle a oportunidade. O Bogotazo abre as portas de tódolos cárceres e Mata xa está entre as rúas incendiadas buscando a Mercedes.
Personaxes
[editar | editar a fonte]- Enrique Carriazo como Buenaventura Nepomuceno Matallana
- Yuri Vargas como Mercedes Ramos "Merceditas"
- Geraldine Zivic como Cecilia 'La Mona' Arias
- Luis Fernando Hoyos como Félix González Robledo
- Humberto Dorado como Xuíz Genaro Alvarado
- Margalida Castro como Bertha Montenegro de Matallana
- Nicolás Rincón como Benito Capote
- Sandra Hernández como Lucía Naranjo
- Jairo Camargo como Alfredo Ferro Villegas
- César Mora como Pablo Céspedes
- Alberto Valdiri como Alejandro Orozco
- Johnny Acero como Jorge Eliécer Gaitán
- Germán Escallón como Cipriano
- Jorge Herrera como Perucho
- Judy Henríquez como Angelines Ramirez
