David Tennant

David Tennant

(2023)
Biografía
Nacemento	(en) David John McDonald 18 de abril de 1971 (53 anos) Bathgate, Reino Unido (pt)
Outros nomes	David Tennant
Residencia	Chiswick
Educación	Conservatorio Real de Escocia Paisley Grammar School (en)
Altura	1,85 m
Cor do pelo	Cabelo castaño
Actividade
Ocupación	actor de televisión, actor de cinema, actor de teatro, actor de xénero, creador de podcast
Período de actividade	1989 -
Obra
Obras destacables (1963) Doutor Who (2019-sen valor) Bos presaxios
Familia
Cónxuxe	Georgia Moffett (2011–)
Parella	Sophia Myles (2005–2007)
Fillos	Ty Tennant  () Georgia Moffett Olive Tennant  () Georgia Moffett
Pais	Sandy McDonald   e Essdale Helen McDonald
Premios
(2013)  Premios Daytime Emmy
Descrito pola fonte	Obálky knih,
Páxina web	david-tennant.com

David John McDonald, coñecido como David Tennant, nado en Bathgate o 18 de abril de 1971, é un actor de cine e teatro escocés. A súa traxectoria teatral é ampla, destacando a súa interpretación de Hamlet. O seu papel máis famoso na televisión foi posiblemente a décima encarnación do Doutor Who.^[1]

Comezou a súa carreira aos 16 anos inscribíndose na Royal Scottish Academy of Music and Drama e participando nun filme contra o tabaquismo producido polo Glasgow Health Council e emitido en televisión e nas escolas. Como o nome de "David McDonald" xa fora tomado por outro actor, comezou a actuar co pseudónimo de David Tennant, en referencia a Neil Tennant, vocalista dos Pet Shop Boys.

Sendo xa un coñecido actor de teatro, acadou fama no Reino Unido cos seus papeis protagonistas nas series de televisión Casanova (2005), Doutor Who (2005-2010 e 2013) e Broadchurch (2013-presente).^[2] Comezou a actuar en curtametraxes e longametraxes a partir de 1993, e o seu primeiro papel protagonista foi na comedia románmtica de 1998 dirixida por Mika Kaurismäki, L. A. without a Map. Algúns dos seus papeis máis destacados son Harry Potter e o cáliz de fogoe (2005), The Decoy Bride ( 2011) e What We Did on our Holiday (2014, pode verse en Prime dobrado ao galego como O noso último verán en Escocia). Tamén aportou a súa voz a varias películas de animación, gañando os premios Daytime Emmy en 2012 por Star Wars: The Clone Wars.

En setembro de 2012, David Tennant foi nomeado membro do consello de administración da Royal Shakespeare Company e interpretou varios papeis en obras de Shakespeare no Royal Shakespeare Theatre de Stratford-upon-Avon e no Barbican Theatre de Londres.^[3]

Tamén aparece en Bos presaxios (título orixinal, Good Omens), como o demo Crowley, unha serie de comedia fantástica británica creada por Neil Gaiman, baseada na súa novela homónima de 1990 súa e de Terry Pratchett.

David McDonald é o derradeiro fillo de Essdale Helen e Alexander McDonald, ministro da Igrexa de Escocia. Ten dous irmáns máis vellos, Blair e Karen.^[1]

En 2011, xornais británicos informaron do seu compromiso coa actriz Georgia Moffett, con quen casou eses ano,^[4] a quen coñeceu no set de Doctor Who (no episodio The Doctor's Daughter) e cuxo pai, Peter Davison, é un antigo intérprete do papel principal da serie.^{[5] [6]} A parella ten 4 fillos, Tyler McDonald,^[7] nado en 2002 e adoptado oficialmente por David en 2011, Olive McDonald, nada en 2011, Wildfred McDonald, nada en 2013 ^[8] e Doris McDonald, nada no verán de 2015.

En 2010, declarou o seu apoio ao primeiro ministro británico Gordon Brown,^[9] e puxo a súa voz nun anuncio electoral do Partido Laborista.^[10] En 2012, presentou ao líder laborista Ed Miliband na Conferencia do Partido.^[11]

• 1996: Jude : o estudante borracho
• 1997: Bite: Alastair Galbraith
• 1998: I love L. A : Richard
• 1999: Last Setember: Capitán Gerald Colthurst
• 2002: Nine 1/2 Minuts: Charlie
• 2003: Bright Young Things de Stephen Fry: Ginger Littlejohn
• 2004: Traffic Warden (curta): policía
• 2005: Sweetnight Goodheart (curta): Peter
• 2005: Harry Potter e o cáliz de fogo de Mike Newell: Bartemius Croupton Junior
• 2009: St. Trinian's 2: The Legend of Fritton's Gold: Lord Piers Pomfrey
• 2010: 1939: Hector
• 2010: Dragons de Dean DeBlois e Chris Sanders: Spitelout (voz)
• 2011: United : Jimmy Murphy
• 2011: The Decoy Bride: James Aubrey
• 2011: Fright Night de Craig Gillespie: Peter Vincent
• 2012: The Pirates! En calquera aventura con científicos de Peter Lord e Jeff Newitt: Charles Darwin (voz)
• 2012: Ill : M. Peterson
• 2013: Postman Pat: The Movie de Mike Disa (voz)
• 2014: O noso último verán en Escocia de Andy Hamilton e Guy Jenkin: Doug

• 2015: Jessica Jones (serie de televisión): Kilgrave
• 2016: Mad to Be Normal: R.D. Laing
• 2017: You, Me and Him: John
• 2018: Mary Queen of Scots: John Knox
• 2019: Good Omens (serie de televisión): Crowley
• 2020: Deadwater Fell (serie de televisión): Tom Kendrick
• 2020: Staged (serie de televisión): el mesmo
• 2020: Des (miniserie de televisión): Dennis Nilsen
• 2021: Around the World in 80 Days: Phileas Fogg
• 2021: Final Space (serie de animación): Invictus (voz)
• 2022: The Amazing Maurice: Dangerous Beans (voz)
• 2023: Litvinenko (miniserie de televisión): Alexander Litvinenko
• 2023: Good Omens (tempada 2): Crowley
• 2023: Clone High: el mesmo (voz)
• 2023: Spy in the Ocean: narrador
• 2023: The Simpsons: Pa MacWeldon (voz)
• 2023: Doctor Who: Doutor catorce

Wikimedia Commons ten máis contidos multimedia na categoría:  David Tennant

• David Tennant no Screenonline do British Film Institute.