Graciela Huinao

Graciela Huinao

(2016)
Biografía
Nacemento	14 de outubro de 1956 (68 anos) Osorno, Chile
Actividade
Ocupación	escritora, poetisa
Membro de	Academia Chilena da Língua (pt)
Xénero artístico	Poesía

Graciela del Carmen Huinao Alarcón, nada en Osorno o 14 de outubro de 1956, é unha narradora e poeta mapuche-huilliche en lingua castelá,^[1] primeira muller indíxena en ingresar na Academia Chilena da Lingua.^[2]

Filla de Herminia Alarcón e Dolorindo Huinao (neta de Adolfo Huinao e Almerinda Loi Katrilef; bisneta de José Loi) ingresou na Escola 107 en 1962; en 1969, cando tiña 13 anos, perdeu á súa nai e 8 anos máis tarde, en 1977, ao seu pai, despois do cal emigrou a Santiago de Chile.^[3]

Huinao publicou o seu primeiro poema, «La loika», en 1989 e o seu primeiro libro Walinto, en 2001 (foi reeditado en 2008 en mapuche, español e inglés). O nome deste poemario é o da comunidade mapuche na que naceu, situada a 36 quilómetros de Osorno.^[2]

Escribiu así mesmo relatos, unha novela e antologado algúns libros, como Hilando en la memoria, 7 poetas mapuche (2006), Hilando en la memoria, epu rapa. 14 mujeres poetas mapuche (2009).^[4]

Algunhas das súas obras foron traducidas a diversas linguas.

• Walinto, poemario, edición bilingüe, con tradución ao mapuche de Clara Antinao Varas; editorial La Garza Morena, Santiago, 2001 (reeditado por Cuarto Propio, 2008, en volume trilingüe: mapuche-castelán-inglés)
• La nieta del brujo, seis relatos williche, Caballo de Mar, 2003
• Desde el fogón de una casa de putas williche, novela, CDM, 2010
• Katrilef, hija de un ülmen mapuche williche. Relato de su vida, ICIIS, 2015^[5]

• Sobre Walinto