Gambrinus

Gambrinus é un lendario rei de Flandres, e o santo patrón non oficial da cervexa ou das cervexarías^[1], como Baco o é do viño.

As orixes do personaxe son incertas. Algunhas fontes personifícano con nobres medievais, así para algúns se trata do duque de Brabante Xoán I (1251-1295)^[2] mentres que outros o identifican con Xoán I "sen medo", duque de Borgoña (1371–1419)^[3], que, é considerado o inventor da cervexa con malte lupulada. Tamén un dos copeiros de Carlomagno se chamaba Gambrinus

A mención máis antiga do nome aparece no poeta alemán Burkart Waldis, que o menciona no ano 1543, explicando que Gambrinus aprendeu a arte cervexeira de Isis, a deusa da maternidade e da fertilidade no Exipto antigo.

Posíbeis etimoloxías latinas do nome apuntan a unha orixe en "cambarus" (adegueiro) e "ganae birrinus" (o que bebe na taberna)^[4]. Outras explicacións aluden aos cervexeiros de Cambrai (Francia) que eran chamados gambarius, ou á verba do alemán medieval gambra que se refire o xermolar do gran, ou á palabra cambier, empregada para os cervexeiros no norte de Francia durante a Idade Media^[1]. Doutra parte, a Cervexaría Gambrinus de Plzeň, República Checa explica o nome como orixinado de Jan Primus (Xoán primeiro), en referencia ao duque Xoán I de Borgoña.

Gambrinus é a miúdo representado con traxe de rei; vestido como un cabaleiro medieval, ou, menos correntemente, como un vello gordocho.

Dado o significado alegórico de Gambrinus, numerosas cervexarías ou compañías cervexeiras de Europa e Norteamérica teñen adoptado a súa imaxe (ou o seu nome) como emblema da súa marca de cervexa ou en carteis, etiquetas etc.

Varias destacadas cervexeiras que levan o nome de Gambrinus ou usan a súa imaxe, son:

Gambrinus Brewery, de Plzeň, República Checa.
Gambrinus, de Mulhouse, Alsacia, Francia
The Gambrinus Company , en San Antonio, Texas, USA
Gambrinus Brewing Co., de Oshkosh, Wisconsin, USA.
The Gambrinus Brewing Company, de Columbus, Ohio, USA
A cervexeira española Cruzcampo, propiedade de Heineken Co., usa a imaxe de Gambrinus como emblema dos seus produtos.

Na cidade galega da Coruña ten dedicada a rúa Gambrinus,^[5]^[6] na que se localiza a factoría cervexeira Hijos de Rivera, que entre outras marcas elabora a cervexa Estrella Galicia.

Notas

↑ ^1,0 ^1,1 Rabin, Dan (1998). The Dictionary of Beer and Brewing (en inglés). Taylor & Francis. ISBN 978-1-57958-078-0.
↑ Mosher, Randy (2009-01-01). Tasting Beer: An Insider's Guide to the World's Greatest Drink (en inglés). Storey Publishing. ISBN 978-1-60342-008-2.
↑ Reiber, Ferdinand (1882). Etudes gambrinales: histoire et archéologie de la bière et principalement de la bière de Strasbourg (en francés). Berger-Levrault.
↑ Mosher, Randy (2009-01-01). Tasting Beer: An Insider's Guide to the World's Greatest Drink (en inglés). Storey Publishing. ISBN 978-1-60342-008-2.
↑ Estrella Galicia
↑ Gambrinus: El patrón de la cerveza, junto a la fábrica

Véxase tamén

[:0-1] 1,0 ^1,1 Rabin, Dan (1998). The Dictionary of Beer and Brewing (en inglés). Taylor & Francis. ISBN 978-1-57958-078-0.

[2] Mosher, Randy (2009-01-01). Tasting Beer: An Insider's Guide to the World's Greatest Drink (en inglés). Storey Publishing. ISBN 978-1-60342-008-2.

[3] Reiber, Ferdinand (1882). Etudes gambrinales: histoire et archéologie de la bière et principalement de la bière de Strasbourg (en francés). Berger-Levrault.

[4] Mosher, Randy (2009-01-01). Tasting Beer: An Insider's Guide to the World's Greatest Drink (en inglés). Storey Publishing. ISBN 978-1-60342-008-2.

[5] Estrella Galicia

[6] Gambrinus: El patrón de la cerveza, junto a la fábrica

[1]

[2]

[3]

[4]

[5]

[6]