[go: up one dir, main page]
Saltar ao contido

Brian L. Roberts

Na Galipedia, a Wikipedia en galego.
Modelo:BiografíaBrian L. Roberts

Editar o valor en Wikidata
Biografía
Nacemento28 de xuño de 1959 Editar o valor en Wikidata (65 anos)
Filadelfia, Estados Unidos de América Editar o valor en Wikidata
Director executivo Comcast
Editar o valor en Wikidata
Datos persoais
ResidenciaFiladelfia Editar o valor en Wikidata
EducaciónWharton School (pt) Traducir
Germantown Academy (en) Traducir Editar o valor en Wikidata
Actividade
Lugar de traballo Filadelfia Editar o valor en Wikidata
Ocupaciónexecutivo, empresario Editar o valor en Wikidata
EmpregadorComcast Editar o valor en Wikidata
Salario base26.400.000 $ Editar o valor en Wikidata
Patrimonio estimado1.830 M$ (agosto de 2017) Editar o valor en Wikidata
DeporteSquash Editar o valor en Wikidata
Familia
PaisRalph J. Roberts Editar o valor en Wikidata  e Suzanne Fleisher Roberts Editar o valor en Wikidata
Twitter: bkroberts Instagram: blroberts22 Editar o valor en Wikidata

Brian L. Roberts, nado en Filadelfia o 28 de xuño de 1959, é un empresario multimillonario estadounidense, presidente e CEO de Comcast, unha empresa norteamericana que ofrece produtos e servizos de cable, entretemento e comunicacións que fundou seu pai, Ralph J. Roberts.

Traxectoria

[editar | editar a fonte]

Roberts naceu no seu dunha familia xudía en Pensilvania, fillo de Ralph J. Roberts, o fundador de Comcast Corporation, e de Suzanne (de solteira Fleisher), unha antiga actriz e dramaturga [1]. Seu avó materno, Alfred W. Fleisher, fora un investidor inmobiliario e filántropo que apoiou a reforma penitenciaria. Roberts formouse na Germantown Academy e obtivo unha licenciatura en Ciencias na Wharton School da Universidade de Pensilvania en 1981, e inmediatamente comezou a traballar no seo da empresa familiar[2].

En febreiro de 1990 Roberts sucedeu a seu pai como presidente de Comcast Corporation[3] con 31 anos. Roberts exerceu como presidente da National Cable & Telecommunications Association (NCTA) de 1995 a 1996, coincidindo coa entrada en vigor da lei desreguladora de Telecomunicacións de 1996. Entre 2005[4] e 2007[5] foi presidente do consello de administración da NCTA.

En 2000, Roberts adquiriu AT&T Broadband por 53 200 millóns de dólares en accións e asumiu a súa débeda, ese acordo permitiulle a Comcast converterse no maior operador de cable do mund e en 2009 Comcast fíxose con NBCUniversal [6].

En 2021 Roberts ingresou polos seus cargos en Comcast 34 millóns de dólares [7] e en 2022 calculábase o seu patrimonio neto en 1,3 mil millóns de dólares [8].

Actividade deportiva

[editar | editar a fonte]

Xogador de squash, Roberts xogou durante a súa etapa universitaria na Ivy League[9] e tras a súa graduación competiu nos Xogos Macabeos en Israel, gañou co equipo dos Estados Unidos medallas de prata en 1981, 1985 e 1997, de ouro en 2005 e de novo prata en 2009 [10]. O 21 de outubro de 2012 Maccabi USA homenaxeouno como unha "Lenda dos Macabeos".

Política

[editar | editar a fonte]

Roberts foi copresidente fundador de Filadelfia 2000, o comité anfitrión non partidista da Convención Nacional Republicana de 2000. O Pennsylvania Report incluíu a Roberts na listaxa de 2003 dos persoeiros máis poderosos na política de Pensilvania, e sinalou a súa influencia co gobernador de Pensilvania, Ed Rendell[11].

Dende 2006 doou máis de 76.000 dólares a candidatos demócratas e 13.500 dólares a republicanos[12]. En decembro de 2009 escribiu unha carta ao presidente Barack Obama para darlle o seu apoio á Lei de protección do paciente e atención accesible.

Roberts está considerado próximo ao Partido Demócrata e apoiou a Hillary Clinton nas eleccións presidenciais dos Estados Unidos de 2016 [13].

Notas

[editar | editar a fonte]
  1. ↑ "Brian Roberts’ Jewish Roots and Outsized Ambition Drive Comcast’s Rise in Media". The Forward. 2 de marzo de 2014. 
  2. ↑ Philadelphia Inquirer: "A continual spotlight awaits a 'very private' Brian Roberts AT&T deal catapults Comcast's chief to the industry forefront" By Benjamin Y. Lowe Arquivado 04 de agosto de 2016 en Wayback Machine. 21 de decembro de 2001
  3. ↑ Geraldine Fabrikant (8 de febreiro de 1990). "Business People; Son Succeeds Father As Comcast President". The New York Times. 
  4. ↑ "Comcast's Brian Roberts Elected Chairman of NCTA Board". NCTA. 11 de abril de 2005. 
  5. ↑ "Brian Roberts. Chairman and CEO, Comcast Corporation". Obama White House. 
  6. ↑ "Bold Leader Spotlight: Brian L. Roberts, Chairman and CEO Comcast Corporation". Bold Business. 
  7. ↑ "Brian L. Roberts". salary.com. 
  8. ↑ "Brian Roberts". Forbes profile. 
  9. ↑ "Brian Roberts". Philadelphia Jewish Sports Hall of Fame. 
  10. ↑ Michael Elkin "Shoah Salute: Personal Meaning for Comcast CEO" Arquivado 19 de abril de 2016 en Wayback Machine., jewishexponent.com, May 4, 2011; accessed June 20, 2015.
  11. ↑ "The PA Report 'Power 75' List" (PDF). Pennsylvania Report. Arquivado dende o orixinal (PDF) o 20 de setembro de 2006. Consultado o 21 de decembro de 2022. 
  12. ↑ "Comcast-NBC deal finds campaign cash converging with Obama’s principles". The Hill. 12 de xuño de 2009. 
  13. ↑ "Comcast/NBC fired and insulted Trump and now faces a grudge-holding president". he Philadelphia Inquirer. 13 de xaneiro de 2017. 
Traído desde «https://gl.wikipedia.org/w/index.php?title=Brian_L._Roberts&oldid=6894147»