Babieca

Babieca foi o lendario cabalo que as fontes literarias, a partir do Cantar de mio Cid (escrito contra o ano 1200), e a tradición posterior, atribúen ao nobre castelán Rodrigo Díaz de Vivar, coñecido como O Cid Campeador, quen chegou a dominar practicamente todo o leste da península ibérica a finais do século XI.

Antes de aparecer no Cantar de mio Cid, o cabalo do Cid estaba caracterizado sen nome no Carmen Campidoctoris (composto c. 1190) como un cabalo norteafricano comprado por mil dinares, de grande axilidade e velocidade, algo especialmente valorado nos cabalos de guerra, que eran robustos, pesados e relativamente lentos.^[1]

Porén, no mesmo Cantar, Babieca é presentado como un trofeo de guerra que as posteriores prosificacións cronísticas do poema^[2] atribúen concretamente á vitoria sobre o rei da Taifa de Sevilla,^[3] relatada pouco antes no poema.^[1]

Wikimedia Commons ten máis contidos multimedia na categoría:  Babieca

• Escobar, Ángel e Alberto Montaner, Carmen Campidoctoris o Poema latino del Campeador, Madrid, Sociedad Estatal España Nuevo Milenio, 2001. ISBN 978-84-95486-20-2
• Montaner Frutos, A., (ed. lit.), Cantar de mio Cid, Barcelona, Crítica, 2000. ISBN 84-8432-121-5.
• Montaner Frutos, Alberto (2011). Cantar de Mio Cid. Galaxia Gutenberg; Real Academia Española. ISBN 978-84-672-4293-5.