Armas falantes

Armas falantes^[1] é unha expresión empregada en heráldica para facer referencia ás composicións, escudos de armas e brasóns, que incorporan unha figura ou peza cuxa denominación alude ao apelido da liñaxe ou ao topónimo do que se representa, interpretando graficamente o nome.^[2]

Existen dúas categorías de armas falantes:

As físicas: o nome da figura ou peza é o mesmo que o do titular das armas.
As abstractas: o nome da figura ou peza ten unicamente unha relación proverbial ou enigmática coa do titular.

Tamén se denominan armas contrafalantes aos brasóns que no canto de aludir ao nome directo do titular, ofrecen unha imaxe ou ideal contraditorio.

Armas de Galiza no armorial Segar's Roll, creadas pola similitude na lingua normanda das palabras Calice (cáliz) e Galyce (Galiza).
O escudo da cidade de Turín (Torino, en italiano) é un touro, por mor da asonancia do nome da cidade co do animal.
Un exemplo sinxelo común de armas falantes: o castelo representa o Reino de Castela e o león representa o Reino de León.