A princesa prometida

A princesa prometida
Ficha técnica
Título orixinal	The Princess Bride
Director	Rob Reiner
Produtor	Rob Reiner Andrew Scheinman Norman Lear
Guión	William Goldman
Intérpretes	Cary Elwes Robin Wright Mandy Patinkin Chris Sarandon André the Giant Christopher Guest Fred Savage Wallace Shawn Billy Crystal Carol Kane
Música	Mark Knopfler
Fotografía	Adrian Biddle
Montaxe	Robert Leighton
Distribuidora	20th Century Fox (USA) Vestron Pictures (Internacional) MGM Studios (VHS/DVD)
Estrea	25 de setembro de 1987
Duración	98 minutos
Orixe	Estados Unidos
Xénero	Aventuras, Fantasía
Orzamento	$15 000 000[1]
Recadación	$30 857 814
Na rede
http://www.princessbrideforever.com/

A princesa prometida (en inglés: The Princess Bride) é un filme estadounidense dirixido por Rob Reiner que se estreou en 1987. Está baseada na novela homónima de 1973, da autoría de William Goldman, que combina comedia, aventura, amor e fantasía. O filme foi dirixido por Rob Reiner sobre un guión do propio Goldman. Entre outros actores, Billy Crystal, Peter Falk ou Fred Savage atópanse no elenco.

A narración está enmarcada por unha escena en que un neno enfermo na cama acepta sen ganas que o seu avó lle lea unha "historia de princesas e vinganza". O filme segue o fío da historia, interrompida polos comentarios do neno, cada vez máis interesado, e do avó:

Unha fermosa moza de nome Buttercup vive nunha granxa no país de Florin. A cada orde que dá ao seu criado Westley, este responde sempre "como desexe", e a fai rapidamente. Buttercup acaba por darse de conta que a frase "como desexe" significa que a ama. Xúranse fidelidade eterna e Westley marcha procurar fortuna para poder casar. Porén, o seu barco é atacado polo terrible pirata Roberts, coñecido por non deixar superviventes. Cinco anos máis tarde, crendo a Westley morto, Buttercup casa de mala gana co príncipe Humperdinck, herdeiro do trono de Florin.^[2]

• Cary Elwes como Westley
• Robin Wright como Buttercup
• Chris Sarandon como Príncipe Humperdinck
• Mandy Patinkin como Inigo Montoya
• Christopher Guest como Conde Tyrone Rugen
• André Roussimoff como Fezzik
• Wallace Shawn como Vizzini
• Peter Falk como O avó/Narrador
• Fred Savage como O neto
• Billy Crystal como Miracle Max
• Carol Kane como Valerie
• Peter Cook como The Impressive Clergyman
• Mel Smith como O Albino
• Anne Dyson como A raíña
• Margery Mason como A anciá Booer
• Malcolm Storry como Yellin
• Willoughby Gray como O rei
• Betsy Brantley como A nai

Dende 1973, ano da publicación da novela de William Goldman, 20th Century Fox asegurou os seus dereitos de adaptación en 500 000 dólares. Richard Lester foi contratado para dirixir o filme e a produción estaba a piques de comezar cando o director de produción de Fox foi despedido. O proxecto deixouse de lado e Goldman mercou todos os dereitos de adaptación. Máis tarde, Rob Reiner namorouse da novela e conseguiu asegurar os dereitos de adaptación grazas ao apoio financeiro de Norman Lear.^[3]

A rodaxe tivo lugar do 18 de agosto ao decembro de 1986 en Bakewell, Burnham Beeches, Castleton, os cantís de Moher, Sheffield e os estudos Shepperton.

A música do filme foi composta por Mark Knopfler, a excepción dos créditos finais compostos e interpretados por Willy DeVille.

• 
  Entre as localizacións nas que se levou a cabo a rodaxe do filme figuran os cantís de Moher, en Irlanda.

• Goldman, William, Which Lie Did They Tell?, Bloomsbury, 2000
• Elwes, Cary; Layden, Joe (2014). As You Wish: Inconceivable Tales from the Making of The Princess Bride. New York: Touchstone. ISBN 9781476764023. OCLC 878812649. 

• A princesa prometida na IMDb (en inglés).
• Ficha en AllMovie (en inglés)
• Ficha en BoxOfficeMojo (en inglés)
• 'A princesa prometida', esta noite na TVG