ADN A
O ADN A (ou A-DNA) é unha das posibles estruturas en dobre hélice que pode adoptar o ADN. O ADN A crese que é unha das tres estruturas en dobre hélice biolóxicamente activas do ADN, xunto coa do ADN B (a máis común) e o ADN Z. É unha dobre hélice dextroxira bastante similar á máis común e mellor coñecida da forma ADN B, pero cunha estrutura helicoidal máis compacta e cos pars de bases non perpendiculares ao eixe da hélice (como están no ADN B). Parece probable que só apareza en mostras deshidratadas de ADN, como as utilizadas nos experimentos de cristalografía, e posiblemente aparece tamén nas dobres hélices híbridas ADN-ARN. A mesma conformación helicoidal é a que se observa máis comunmente nos ARN bicatenarios.
Estrutura
[editar | editar a fonte]Un ADN A é bastante similar ao ADN B dado que é tamén unha hélice dextroxira con sucos maiores e menores. Porén, como se mostra na táboa comparativa de abaixo, hai un lixeiro incremento no número de pares de bases por rotación (e como resultado un ángulo de rotación máis cerrado), e unha maior elevación (rise) por xiro. Isto orixina que se forme un suco maior máis profundo e un suco menor menos profundo.
Xeometrías comparadas das formas máis comúns do ADN
[editar | editar a fonte]
| Atributos de xeometría | ADN A | ADN B | ADN Z |
|---|---|---|---|
| Sentido da hélice | dextroxira | dextroxira | levoxira |
| Unidade repetida | 1 bp | 1 bp | 2 bp |
| Rotación por par de bases | 32,7° | 34,3° | 60°/2 |
| Pares de bases por xiro | 11 | 10,5 | 12 |
| Inclinación dos pares de bases con respecto ao eixe | +19° | −1,2° | −9° |
| Elevación (rise) por par de bases ao longo do eixe | 2,3 Å (0.23 nm) | 3,32 Å (0,332 nm) | 3,8 Å (0,38 nm) |
| Xiro da hélice | 28,2 Å (2,82 nm) | 33,2 Å (3,32 nm) | 45,6 Å (4,56 nm) |
| Torsión media da hélice (mean propeller twist) | +18° | +16° | 0° |
| Ángulo glicosilo (orientación dos substituíntes das bases con respecto dos residuos de azucres) | anti | anti | C: anti, G: sin |
| Pregamento do azucre (ring pucker) | C3'-endo | C2'-endo | C: C2'-endo, G: C2'-exo |
| Diámetro | 23 Å (2,3 nm) | 20 Å (2,0 nm) | 18 Å (1,8 nm) |
| Fontes:[1][2][3] | |||
Notas
[editar | editar a fonte]- ↑ Sinden, Richard R (1994-01-15). DNA structure and function (1st ed.). Academic Press. p. 398. ISBN 0-12-645750-6.
- ↑ Rich A, Norheim A, Wang AHJ (1984). "The chemistry and biology of left-handed Z-DNA". Annual Review of Biochemistry 53: 791–846. PMID 6383204. doi:10.1146/annurev.bi.53.070184.004043.
- ↑ Ho PS (1994-09-27). "The non-B-DNA structure of d(CA/TG)n does not differ from that of Z-DNA". Proc Natl Acad Sci USA 91 (20): 9549–9553. Bibcode:1994PNAS...91.9549H. PMC 44850. PMID 7937803. doi:10.1073/pnas.91.20.9549.
