Puro

Artigo principal: Cigarro.

Un puro ou cigarro puro é un cigarro^[1] consistente nun paquete firmemente enrolado de tabaco secado e fermentado, liado sen papel, nunha folla de tabaco. Acéndese por un dos extremos para poder introducir o seu fume dentro da boca do fumador a través do outro extremo.

O tabaco para puros cultívase en cantidades significativas en nacións como Brasil, Camerún, Cuba, República Dominicana, Honduras, Indonesia, México, Nicaragua e Estados Unidos.

Os puros fabricados en Cuba considéranse dunha calidade inigualable, e por iso se lles coñece habitualmente como Habanos. A reputación cubana preséntase tanto polas características únicas da rexión de Vuelta Abajo, na provincia de Pinar del Río, ao Oeste da illa, onde un microclima permite o cultivo de tabaco de alta calidade; como pola habilidade dos fabricantes cubanos do puro. Porén, moitos expertos cren que as mellores colleitas de Honduras, Nicaragua e San Andrés Tuxtla, en México, rivalizan cos cubanos.

Notas

↑ cigarro no dicionario da RAG Arquivado 22 de xullo de 2013 en Wayback Machine..

Véxase tamén

Outros artigos

Ligazóns externas

[1] cigarro no dicionario da RAG Arquivado 22 de xullo de 2013 en Wayback Machine..

[1]