Chris Van Allsburg

Chris Van Allsburg
	; (2011)
Biografía
Nacemento	18 de xuño de 1949 (75 anos); East Grand Rapids, Estados Unidos de América
Educación	Universidade de Míchigan ; Escola de Deseño de Rhode Island ; East Grand Rapids High School (en)
Actividade
Ocupación	escritor, escritor de ciencia ficción, concept artist (en) , guionista, novelista, escritor de literatura infantil, ilustrador
Empregador	Escola de Deseño de Rhode Island
Obra
	Obras destacables (1979) The Garden of Abdul Gasazi (en) ; (1981) Jumanji (pt) ; (1984) The Mysteries of Harris Burdick (en) ; (1985) The Polar Express; (2002) Zathura (en) ;
Premios
	(1993) Regina Medal (en) ; (1986) Medalha Caldecott (pt) ;
Descrito pola fonte	Obálky knih,
Páxina web	chrisvanallsburg.com

Chris Van Allsburg, nado o 18 de xuño de 1949 en Grand Rapids, Míchigan, é un escritor e ilustrador estadounidense especializado en literatura infantil. É mundialmente coñecido por ser o autor dos bestsellers The Polar Express, Jumanji e Zathura, os tres adaptados para o cine.^[1]

Traxectoria

Formación

Chris estudou na Escola de Artes da Universidade de Míchigan e obtivo o seu máster na Escola de Deseño de Rhode Island (RISD).

Vida persoal

Chris Van Allsburg vive en Providence, Rhode Island, coa súa muller Lisa e dúas fillas; Sofía e Ana.

Carreira

Converteuse nun premiado autor de libros infantís, xa no seu primeiro libro, The Garden of Abdul Gasazi, que en 1980 recibiu a Medalla de Honra Caldecott, o mesmo aconteceu en 1982 e 1985, con Jumanji e The Polar Express, respectivamente.

Obra

Os seus libros adoitan traer como temática eventos fantásticos, descontrolados e ás veces empregando a crúa ironía. Allsburg escapa do lado inocente e cómodo da literatura infantil e explora o lado máis escuro da natureza humana. Un bo exemplo diso está no seu libro The Sweetest Fig (O figo máis doce), cuxo tema é a historia dun home moi egoísta que de súpeto consegue facer realidade os seus desexos máis salvaxes. A súa cobiza acaba sendo a causa da súa caída -o que non é unha lección moral infrecuente, nos libros infantís-, pero Allsburg consegue dar unha frialdade na caracterización do personaxe que imprime un ton aterrador á narración.

En The Wretched Stone, toda a tripulación dun barco está hipnotizada e controlada pola pedra do título, unha alegoría cruel sobre o efecto negativo da televisión.

O seu tema tamén inclúe os soños, os suburbios ou obxectos que teñen vida propia (como os xogos de mesa de Jumanji e Zathura). Unha presenza constante nos seus libros é Fritz o can.

Libros e ilustracións

Varios dos seus libros foron traducidos ao portugués e ao castelán. É coñecido principalmente polas versións cinematográficas da súa obra. Allsburg escribiu ou ilustrou os seguintes libros:

Nome	Escrito por el	Ilustrado por el	Adaptación cinematográfica
Bad Day at Riverbend
Ben's Dream
The Garden of Abdul Gasazi
Jumanji
Just a Dream
The Mysteries of Harris Burdick
The Polar Express
The Stranger
Swan Lake
The Sweetest Fig
Two Bad Ants
The Wreck of the Zephyr
The Wretched Stone
The Widow's Broom
The Z Was Zapped
Zathura

Nota: The Mysteries of Harris Burdick, unha colección de libros de Allsburg na que unha páxina contén unha ilustración e a seguinte ten unha frase, supostamente recuperada dunha obra máis grande, está inspirada en Nightmares and Dreamscapes de Stephen King.
Allsburg tamén foi o ilustrador dalgúns números da serie The Chronicles of Narnia de C. S. Lewis.

Notas

↑ Resenha, Livro infantil. "Momentum Saga" (en portugués). Consultado o 2023-01-05.

Véxase tamén

Ligazóns externas

Páxina web de Chris Van Allsburg (en inglés).

[1] Resenha, Livro infantil. "Momentum Saga" (en portugués). Consultado o 2023-01-05.

[1]