Carles Pérez

Carles Pérez
Información persoal
Nome	Carles Pérez Sayol
Nacemento	16 de febreiro de 1998
Lugar de nacemento	Granollers
Nacionalidade	Española
Altura	1,73cm
Posición	Dianteiro
Na rede
[ editar datos en Wikidata ]
v c e

Carles Pérez Sayol, nado en Granollers (Barcelona) o 16 de febreiro de 1998, é un futbolista catalán que xogou como dianteiro no Real Club Celta de Vigo e agora (2024-25) xoga no Xetafe CF da Primeira División de España.

Comezou a xogar ao fútbol desde os cinco anos, no campo de Vilanova do Vallès, próximo ao seu fogar. Tres anos despois mudpu ao Damm, e finalmente ao R. C. D. Espanyol en 2008. Na súa última etapa como infantil explotara como xogador, polo que o Fútbol Club Barcelona fíchao para incorporalo á Masía, ao Cadete "B" de Franc Artiga.

Co devenir dos anos, Carles Pérez foi medrando e progresando nas categorías inferiores do Barça. Así, o 3 de outubro de 2015 debutou co filial azulgrana de mans de Gerard López nun encontro fronte ao Atlético Levante como visitante. O partido rematou cun empate sen goles, Carles entrou no minuto 62' en substitución de Maxi Rolón.

O 19 de maio de 2019 debutou en partido oficial co primeiro equipo na última xornada de Liga no empate a 2 perante a S. D. Eibar en Ipurúa. O 25 de agosto anotou o seu primeiro gol en partido oficial co primeiro equipo na vitoria por 5 a 2 fronte ao Real Betis Balompé na 2.ª xornada de Liga.

O 27 de setembro de 2019 o club azulgrana anunciou a súa renovación ata o 30 de xuño de 2022.

O 10 de decembro de 2019 debutou na Liga de Campións anotando un dos goles de vitoria do conxunto azulgrana ante o Inter de Milán por 1 a 2 e garantiu ter ficha do primeiro equipo tras xogar un mínimo de 30 minutos en sete partidos.

O 30 de xaneiro de 2020 o Fútbol Club Barcelona anunciou a súa cesión á A. S. Roma até o final da tempada a cambio dun millón de euros cunha opción de compra obrigatoria de 11 millóns máis 3,5 en variables.1 Debutou dous días despois na derrota por 4-2 fronte ao U. S. Sassuolo na Serie A e o 20 de febreiro anotou o seu primeiro gol co equipo na vitoria pola mínima (1-0) perante o K. A. A. Gante na ida dos dezaseisavos de final da Liga Europa da UEFA.

O 8 de agosto de 2022 o R. C. Celta de Vigo anunciou que chegara a un principio de acordo coa entidade romanista para a súa cesión a falta da pertinente revisión médica. Ao día seguinte asinou por unha tempada, tendo o conxunto vigués unha opción de compra ao seu remate^[1].

Actualizado co último partido disputado o 26 de febreiro de 2023 .

Club	Div.	Tempada	Liga		Copas nacionais		Copas internacionais		Total
			Part.	Goles	Part.	Goles	Part.	Goles	Part.	Goles
F. C. Barcelona "B" España	2.ª B	2015-16	1	0	—		—		1	0
	2.ª	2017-18	27	3	—		—		27	3
	2.ª B	2018-19	26	9	—		—		26	9
		2019-20	1	1	—		—		1	1
	Total club		55	13	—		—		55	13
F. C. Barcelona España	1.ª	2018-19	1	0	0	0	0	0	1	0
		2019-20	10	1	1	0	1	1	12	2
	Total club		11	1	1	0	1	1	13	2
A. S. Roma Italia	1.ª	2019-20	14	1	—		3	1	17	2
		2020-21	21	2	1	0	9	1	31	3
		2021-22	19	1	1	0	8	2	28	3
	Total club		54	4	2	0	20	4	76	8
R. C. Celta de Vigo Galicia	1.ª	2022-23	22	0	3	2	—		25	2
	Total club		22	0	3	2	0	0	25	2
Total carreira			142	18	6	2	21	5	169	25

Wikimedia Commons ten máis contidos multimedia na categoría:  Carles Pérez