Caminomorisco

Caminomorisco

Localización
40°19′35″N 6°17′26″O / 40.326388888889, -6.2905555555556
Estado	España
Comunidade autónoma	Estremadura
Provincia	Provincia de Cáceres
Capital	Caminomorisco (en)
Contén a división administrativa	Caminomorisco (en)
Poboación
Poboación	1.132 (2023) (7,67 hab./km²)
Xeografía
Parte de	Q107553768
Superficie	147,6 km²
Altitude	491 m
Comparte fronteira con	Zarza de Granadilla Nuñomoral Ladrillar Herguijuela de la Sierra (pt) Pinofranqueado La Pesga (pt) Casar de Palomero Sotoserrano (pt)
Organización política
• Alcalde	Gervasio Martin Gomez (en)
Identificador descritivo
Código postal	10620
Fuso horario	UTC+01:00
Código INE	10041
Sitio web	caminomorisco.es

Caminomorisco (en estremeño Caminomoriscu) é un concello español, na comunidade autónoma de Estremadura. Está situado ao norte da provincia de Cáceres, na comarca de Las Hurdes.

O concello ten a súa capital na localidade de Caminomorisco, chamada antigamente Las Calabazas.

O concello de Caminomorisco posúe numerosos restos épocas prehistóricas, sobre todo do Calcolítico e da Idade de Bronce. En varios lugares (Candelario, La Jareta, Madroñal, Romanzano, Escugoso...) apareceron restos líticos, como machados ou puntas de frecha. Tamén se atoparon fragmentos de cerámica e enterramentos. De grande interese son os ídolos-estelas atopados en Arrocerezo, Vamesto, Cugoso, Los Tesitos, La Coronita...

Quedan algunhas pegadas deixadas polos romanos, pero de menor importancia.

No século XIII, o lugar de Las Calabazas, xunto coa chamada "Dehesa de Jurde", pasou a depender de La Alberca (provincia de Salamanca), por unha concesión que fixo a esta vila o infante D. Pedro, señor de Granada, hoxe Granadilla. Os habitantes da comarca preitearon e rebeláronse continuamente contra as ordenanzas de La Alberca, pero seguiron dependendo dela ata o século XIX.

Coa caída do Antigo Réxime a localidade constitúese en concello, integrado en Estremadura, co nome de Camino Morisco.^[1]

• Igrexa parroquial, baixo a advocación de San Xosé
• A Casa da Cultura de Caminomorisco, de nova planta, construíuse segundo a arquitectura popular de Las Hurdes, utilizando os mesmos materiais, pedra e lousa.
• Existen rotas de sendeirismo en diferentes áreas do concello.
• Piscina natural no río Alavea.

No concello de Caminomorisco celébranse o San Cristovo (10 de xullo), Cristo do Camiño (terceiro domingo de agosto e Virxe do Pilar (12 de outubro).

Como outros concellos da comarca de Las Hurdes a súa poboación está dispersa, entre o núcleo principal, onde se sitúa o pazo do concello e outras localidades, chamadas alquerías (casais en galego). Existen dous casais abandonados, Arrocerezo (en estremeño Arrocerezu) e Arrofranco (en estremeño Arrofrancu).

Caminomorisco tiña censados en 1981 721 habitantes no núcleo principal, pasando a 757 en 2008.^[2] A poboación total do municipio era de 1256 habitantes en 2008.

Este artigo (ou sección) está desactualizado(a). A información fornecida mudou ou é insuficiente.

Accédese ao municipio pola estrada autonómica EX-204, de Salamanca a Coria e pola EX-369 a través do porto de Casar de Palomero.

O municipio ten un Instituto de Ensino Secundario, o IES Gregorio Marañón.^[3]

Wikimedia Commons ten máis contidos multimedia na categoría:  Caminomorisco

• Caminomorisco en la Web de la Mancomunidad de Las Hurdes (en castelán)