Adrian Hardy Haworth
  | |
| Biografía | |
|---|---|
| Nacemento | 19 de abril de 1767 Kingston upon Hull (pt)  |
| Morte | 24 de agosto de 1833 (66 anos) Chelsea, Reino Unido |
| Causa da morte | cólera |
| Residencia | Inglaterra |
| Actividade | |
| Campo de traballo | Botánica e entomoloxía |
| Ocupación | botánico, lepidopterólogo, carcinólogo |
| Obra | |
| Abreviación dun autor en botánica | Haw. |
| Familia | |
| Cónxuxe | Eliza Sidney Cumbrey (1792–) |
| Fillos | Benjamin Haworth |
| Pais | Benjamin Haworth e Anne Booth |
| Premios | |
| Descrito pola fonte | Dictionary of National Biography |
Adrian Hardy Haworth, nado o 19 de abril de 1767 en Kingston upon Hull (ou Hull), Yorkshire, Inglaterra (Reino Unido), e finado o 24 de agosto de 1833 en Chelsea (Londres), foi un entomólogo, carcinólogo e botánico inglés.
Traxectoria
[editar | editar a fonte]Foi educado por titores que o encamiñaron cara ao dereito, pero Haworth amosou pouco interese pola profesión e, despois de herdar a facenda dos seus pais, dedicou todo o seu tempo á historia natural.
En 1792 estableceuse en Chelsea, onde coñeceu ao naturalista William Jones (1750–1818), que chegaría a exercer unha grande influencia sobre el.
En 1798 foi elixido membro da Sociedade Linneana de Londres. No seu traballo de investigación contou coa axuda do uso da biblioteca e o herbario do seu amigo Sir Joseph Banks (1743–1820), e coas visitas regulares aos Royal Botanic Gardens de Kew.
Como entomólogo, foi o autor de Lepidoptera Britannica (1803–1828), a obra máis autorizada en bolboretas e avelaíñas británicas até a aparición do Manual de Henry Tibbats Stainton en 1857.
Tamén era carcinolólogo especializado en camaróns. É o autor de varios taxa, incluíndo:
- Orde Mysida Haworth, 1825
- Familia Mysidae Haworth, 1825
- Superfamila Pandaloidea Haworth, 1825
- Familia Pandalidae Haworth, 1825
- Superfamilia Crangonoidea Haworth, 1825
- Familia Crangonidae Haworth, 1825
- Familia Porcellanidae Haworth, 1825
e describiu e nomeou 22 novos xéneros de avelaíñas.[1]
En 1812 escribiu o primeiro artigo do Volume 1 de ''Transactions of the Entomological Society of London, unha revisión dos traballos previos sobre insectos británicos.
En 1833, prestou apoio á fundación da que se convertería na Royal Entomological Society of London.
Obras principais
[editar | editar a fonte]- Synopsis Plantarum Succulentarum (Londres, 1812)
- Saxifragearum enumeratio (Londres, 1821)
- Lepidoptera Britannica (1803-1828)
- Observations on the Genus Mesembryanthemum (Londres, 1794)
Epónimos
[editar | editar a fonte]
- O xénero de plantas Haworthia Duval, da familia das Asphodelaceae está dedicado a Adrian Hardy Haworth.[2]
- O entomólogo británico John Curtis denominou en 1829 unha bolboreta da familia dos Noctuidae como Celaena haworthii na honra de Adrian Hardy Haworth.
Abreviaturas
[editar | editar a fonte]- A abreviatura Haw. emprégase en botánica para recoñecer a Adrian Hardy Haworth como autoridade na descrición e taxonomía das plantas.[3]
- A abreviatura Haworth emprégase en zooloxía para recoñecer a Adrian Hardy Haworth como autoridade na descrición e taxonomía dos animais.
Notas
[editar | editar a fonte]- ↑ Natural History Museum, London
- ↑ Brummitt, R. K. & C. E. Powell(1992): Authors of Plant Names. Royal Botanic Gardens, Kew. ISBN 84246-085-4.
- ↑ Brummitt, R. K.; C. E. Powell (1992). Authors of Plant Names. Royal Botanic Gardens, Kew. ISBN 1-84246-085-4.
Véxase tamén
[editar | editar a fonte]Ligazóns externas
[editar | editar a fonte]- Google Books Artigos de Howarth en Transactions of the Entomological Society of London Volume 1. (en inglés)
