Mijas

Mijas

Localización
36°35′44″N 4°38′14″O / 36.595556, -4.637222
Estado	España
Comunidade autónoma	Andalucía
Provincia	Provincia de Málaga
Capital	Mijas
Poboación
Poboación	91.691 (2023) (616,2 hab./km²)
Xeografía
Parte de	Q5991197 Costa del Sol Occidental
Superficie	148,8 km²
Bañado por	Mar Mediterráneo
Altitude	428 m
Comparte fronteira con	Alhaurín el Grande Ojén Coín Fuengirola Alhaurín de la Torre Marbella Benalmádena
Identificador descritivo
Código postal	29649–29651
Fuso horario	UTC+01:00
Código INE	29070
Sitio web	mijas.es

Mijas é un municipio andaluz da provincia de Málaga (España). Está situado na Costa do Sol, a 30 km ao suroeste da capital provincial, e integrado na comarca da Costa del Sol Occidental^[1] e a mancomunidade de municipios do mesmo nome.^[2]

No ano 2008 contaba con 70.473 habitantes,^[3] o que o converte no cuarto municipio da provincia en canto a poboación. Esta concéntrase en tres núcleos urbanos principais: Mijas Pueblo, situado na ladeira da Serra de Mijas, constitúe o centro histórico do municipio; Las Lagunas, situado na zona chamada Mijas Costa, forma parte do continuo urbano da cidade de Fuengirola; e La Cala, localidade costeira. A superficie do termo municipal é de 148 km² e esténdese desde as serras litorais da Penibética ata o mar Mediterráneo.

Habitado desde a Antigüidade, Mijas foi un pequeno pobo dedicado principalmente á agricultura e a pesca ata a explosión do boom turístico nos anos 50 do pasado século. Desde entón, a actividade turística e o sector da construción foron os motores da economía local, disparando á mesma vez a poboación e a renda per cápita, aínda que a un alto custo ambiental. Na actualidade é un municipio multicultural cunha alta porcentaxe de residentes de orixe estranxeira e un dos principais centros do turismo residencial de Andalucía.

Mijas é coñecido internacionalmente polos seus Burrotaxis.

En Mijas viviu Dolores Vázquez, unha muller de Betanzos que foi erroneamente condenada por cometer un asasinato que tivo un grande eco dos medios en España.

1. ↑ "Costa del Sol Occidental - Costa del Sol Málaga - Diputación de Málaga". www.malaga.es. Consultado o 5 de marzo de 2019. 
2. ↑ www.mancomunidad.org
3. ↑ INE 2008

Commons ten máis contidos multimedia sobre:  Mijas

• Sitio oficial do Concello de Mijas