Metro de Nova York

Metro de Nova York
Convoi do Metro de Nova York na estación do World Trade Center.
Información
Cidade	Nova York, Estados Unidos
Liñas	24
Sitio web	mta.info
Operacións
Inauguración	9 de outubro de 1863 (primeira operación de ferrocarrís) 27 de outubro de 1904 (primeira sección subterránea)
Operador(es)	New York City Transit Authority
Rede	394 km 1 361 km (lonxitude total das vías)
Vel. máxima	89 km/h
Mapa da rede

O Metro de Nova York (en inglés: New York City Subway) é o sistema de transporte ferroviario urbano máis grande dos Estados Unidos e un dos máis grandes do mundo, con entre 420 e 475 estacións (dependendo de como se contabilicen os puntos de transbordo: a MTA usa 469 como número oficial de estacións) e 1.062 quilómetros de vías primarias en servizo. Se se contan as vías secundarias en talleres e cocheiras o total ascende a 1.361 km.

É operado pola Autoridade de Tránsito da Cidade de Nova York (New York City Transit Authority en inglés), denominándose coloquialmente MTA New York City Transit por parte da Autoridade Metropolitana de Transporte (Metropolitan Transportation Authority en inglés, MTA polas súas siglas) da que é unha axencia afiliada. As dúas son axencias creadas polo Estado de Nova York, en 1953 e 1968, respectivamente, para explotar os transportes de titularidade pública da cidade no caso de New York City Transit Authority, e para supervisar o transporte público na Rexión da Cidade de Nova York no caso da MTA.

Tamén coñecida como División IRT, pois ata 1940 estas liñas eran operadas pola Interborough Rapid Transit Company.

Ruta	Liña
	Broadway-Seventh Avenue Local
	Broadway-Seventh Avenue Express
	Broadway-Seventh Avenue Express
	Lexington Avenue Express
	Lexington Avenue Express
	Lexington Avenue Local/Express
	Flushing Local/Express
	42nd Street Shuttle

Tamén coñecida como División BMT/IND, pois ata 1940 estas liñas eran operadas pola Brooklyn-Manhattan Transit Corporation e o Independent Subway System.

Ruta	Liña
	Eighth Avenue Express
	Sixth Avenue Express
	Eighth Avenue Local
	Sixth Avenue Express
	Eighth Avenue Local
	Sixth Avenue Local
	Crosstown Local
	Nassau Street Express
	Nassau Street Express
	Canarsie Local
	Nassau Street Local
	Broadway Local
	Broadway Express
	Broadway Local
	Franklin Avenue Shuttle
	Rockaway Park Shuttle
	Broadway Local

A liña da Segunda Avenida, en construción dende 2008, incorporaráse aos servizos da División B.

Ruta	Liña
	Second Avenue Subway

O metro de Nova York ten aparecido de forma protagonista en moitos filmes. Un dos máis notables na película de 1971 The French Connection. A persecución do remolque do metro polo coche do protagonista baixo a liña elevada de BMT West End é considerada como unha das mellores escenas de persecución na historia do cine. No ano 1974 estréase The Taking of Pelham One Two Three, centrado no secuestro dun tren número 6 en Manhattan. O filme de culto The Warriors, de 1979, basea o seu argumento nunha grupo de mozos delincuentes tomando o metro dende o norte do Bronx ata Coney Island, no sur de Brooklyn. O filme de 2004 Spider-Man 2 conta cunha secuencia dunha loita e choque dun tren elevado fóra de control en Manhattan, aínda que na realidade foi filmado no metro de Chicago.

Na música, unha das cancións máis coñecidas sobre o metro da cidade é Take the A Train (en galego: Colle o Tren A), composta por Billy Strayhorn e versionada pola banda de Duke Ellington, o tema está inspirado na liña A, que vai dende o sur de Brooklyn a Harlem. A antiga entrada da estación de Times Square pódese ver na portada do álbum Loaded, do grupo de rock The Velvet Underground.

O metro é recordado pola xente que vivía na cidade ao longo dos anos 70 e 80 polo crime e o graffiti, mais isto foise reducindo dende finais dos 80 ata hoxe en día, co chamado Clean Train Movement.

Sobre a cultura do graffiti no metro fixéronse varios filmes e series, coma o documental de 1983 Style Wars ou a serie de Netflix Get Down, esta última centrada tamén no mundo do hip hop. Rumi e Thor, personaxes da serie, son os que máis se ven influenciados en pintar os vagóns do metro con mensaxes de loita e protesta dirixidos á poboación neoiorquina.

Os trens completamente pintados de graffitis contrastan enormemente cos actuais, relativamente limpos.

Commons ten máis contidos multimedia sobre:  Metro de Nova York

• Páxina web oficial da Metropolitan Transportation Authority (en inglés)