Yopal (baile)

Yopal


Bratach a' bhaile	Gearradh-arm no Seula

Mapa a' bhaile

Sealladh air a' bhaile

Suidheachadh

Dùthaich

Coloimbia

Roinn

Casanare

Sgìre

Llanos Orientales

Àirde

350m

Co-chomharran

5° 21' 0' Tuath
72° 24' 5' 0' Iar

Feartan fiosaigeach

Farsaingeachd

2,771 km²

Àireamh-shluaigh

106,882 (2005)

Dlùths

38.57/km²

Duilleag oifigeil

Riaghaltas Yopal

‘S e prìomh-bhaile na roinne Casanare, ann an Coloimbia,^[1] a th’ann Yopal neo El Yopal^[2]. Tha e suidhichte aig 350m os cionn ìre na mara agus 349km air falbh bho Bhogotá^[3] agus tha teodhachd meadhan dhe 26° aige, rè a’ bhliadhna. Chaidh am baile a steidheachadh ann an 1915 anns an sgìre ris an canar Còmhnardan an Ear (Spàinntis: Llanos Orientales). Tha eaconomaidh a’ bhaile gu math crochte air an àiteachas agus gnìomhachas a’ chruidh. Tha àireamh-sluaigh dhe 106,882 aig a' bhaile fhèin ann an 2005, a-rèir a’ chunntas-sluaigh mu dheireadh.^[4] 'S e Yopal an 39mh baile as motha na dùthcha.^[5]

Freumhan an Ainm

'S e ainm Tùsanach a th'ann Yopal. Tha an t-ainm a' ciallachadh Achadh an Yopo. 'S e lus a chuireas smùid ort a th'ann Yopo agus tha e ga chinntinn anns an sgìre.^[6] Tha an t-iar-leasachan -al a' ciallachadh àite làn chraobh neo doire-choille,^[7] m.e: El Rosal ann an Cundinamarca neo Chaparral ann an Tolima.

Eachdraidh

Chaidh an nobhail La vorágine, le José Eustasio Rivera, fhoillseachadh an seo airson a'chiad turais.

Sluagh a' bhaile

Ged a tha 106,882 nan tàmh anns a' bhaile, chan eil ach 16,240 dhuibh a' fuireach anns na sgìrean dùthchasail am broinn crìochan a' bhaile. Tha fearrann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.^[8] Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail.

Taobh chinnidh, ' s e daoine geala/mestizos a th'ann a' mhòr-chuid dhe na daoine ann am Yopal, ach tha 0.1% dhe Tùsanaich agus 1.3% dhe daoine le freumhan ann an Afraga cuideachd. ' S urrainn dhan 91.7% dhe na daoine ann an Yopal leughadh agus sgrìobhadh. A tuilleadh air sin, tha fòn aig an taigh aig 47.2% dhe na dachannan.^[9]

Fèisean

Thathar a’ cumail am iomadach seòrsa dhe fhèis ann an Yopal. Chithear fèilltean caitligeach, leis gur e dùthaich le mòr-chuid chaitligeach a th’ann fhathast,^[10] fèisean na stàite agus tachartasan ionadail a sheallas cho làidir ‘s a tha beairteas cultarail na dùthcha.

Fèis an Neo-eisimeileachd: 20mh An t-Iuchar.

Ceanglaichean A-mach

An t-sìde ann an Yopal

Iomraidhean

Prìomh-bhailtean Roinneil ann an Choloimbia

Arauca • Armenia • Barranquilla • Bogotá • Bucaramanga • Cartagena • Cali • Cúcuta • Florencia • Ibagué • Inírida • Leticia • Manizales • Medellín • Mocoa • Montería • Mitú • Neiva • Pasto • Pereira • Popayán • Puerto Carreño • Quibdó • Riohacha • San Andrés • San José del Guaviare • Santa Marta • Sincelejo • Tunja • Valledupar • Villavicencio • Yopal

[1] Dùthchannan aig SMO

[2] Encyclopedia Britannica

[3] Invias

[4] Figearan Oifis a' Chunntas-sluaigh

[5] Bailtean as motha na dùthcha

[6] Leabharlann Luis Angel Arango

[7] Spanish about.com

[8] Cololmbia Virtual

[9] Bileag fhiosrachaidh DANE

[10] Country Studies: Colombia

[1]

[2]

[3]

[4]

[5]

[6]

[7]

[8]

[9]

[10]