Valladolid

Valladolid Bratach a' bhaile Gearradh-arm no Seula
Suidheachadh
Dùthaich	An Spàinn
Ceàrn	Castilla y León
Sgìre	Valladolid
Co-chomharran	41° 39 07′ Tuath 04° 43 42′ Ear
Feartan fiosaigeach
Farsaingeachd	187.91 km²
Àireamh-shluaigh	313,437 (2011)
Dlùths	1,668.02/km²
Àireamh fòn	034 983
Duilleag oifigeil	http://www.valladolid.es

‘S e baile mòr eadchraidheil air an àirde an iar-thuath na Spàinne a th’ ann am Valladolid (IPA: baʎaðoˈlið, far-ainm: Pucela, Laideann: Valdoletum). Tha e suidhichte aig 690m os cionn ìre na mara,^[1] ri taobh na h-Aibhne Duero,^[2] anns an Sgìre (Spàinntis: Provincia) Valladolid fhèin, anns a’ Choimearsnachd le Fèin-riaghladh (Spàinntis: Comunidad Autónoma) Castilla y León, faisg air na crìochan leis A' Phortagail, 162km air falbh bho Mhadrid, prìomh-bhaile na dùthcha, 487km bho Bharcelona agus 400km bho Shevilla.^[3] Tha 154,462 daoine a’ fuireach anns a’ bhaile,^[4] an 13mh baile na dùthcha.^[5]

'S ann connspaideach 's a tha freumh-fhaclachd an ainm. Tha cuid dhen bheachd gur ann à Vallis Tolitum (Gàidhlig: Gleann nan Uisgeachan), ann an Ceilteach-ibearais. A dh'aindeoin sin, tha cuid eile a' cantainn gur mathaid gur ann à Vallis Olivetum (Gàidhlig: Gleann nan Dearcan-ola) B' e Vallisoletum a bha air fad nam meadhan aoisean.^[6] Chaidh an t-ainm arabachadh gu بلد الوليد (Balad al-Walīd): Bheireadh sin Baile Walid dhuinn anns a' Ghàidhlig.^[7]

Chaidh oilthigh a stèidheachadh ann an Valladolid ann an 1241.^[8] B' e prìomh-bhaile Crùn na Castilla eadar 1601 agus 1606 a bh' ann am Valladolid. Chaochail an ceann-feadhna Gàidhealach Aodh Rua Ó Dónaill an seo ann an 1602. Chuireadh ainm a’ bhaile air an roinn nuair a chaidh a stèidheachadh ann an 1833.^[9] Thuit am baile dha na reubaltaich Faisisteach beagan an dèidh an ar-a-maich an aghaidh an Riaghaltais aig toiseach toisichidh Cogadh Sìobhalta na Spàinne ann an 1936.^[10]

A rèir figearan an Riaghlatais, 's e an t-Iuchar a' mhìos as teotha agus 's e am Faoilleach a' mhìos as fhuaire ann an Valladolid .^[11] Cha thuit ach 433mm de dh'uisge air a' bhaile fad na bliadhna - 740mm nas lugha na Steòrnabhagh (1173mm)^[12] - leis gur e àite gu math tioram a th' ann.

• José Luis Rodríguez Zapatero (1960) Neach-poileataigs

• Firenze^[13]
• Lecce ^[14]
• Lille^[15]
• Morelia^[16]
• Orlando^[17]

1. ↑ Mongabay
2. ↑ Confederación Hidrográfica del Duero
3. ↑ Distance Calculator
4. ↑ Cunntas Sluaigh na Spàinne
5. ↑ Bailtean na Cruinne^{[dead link]}
6. ↑ Álvarez Martínez U., Historia General Civil y Eclesiástica de la Provincia de Zamora, Madrid, Editorial Revista de Derecho Privado.
7. ↑ Marín M., et al., The Formation of Al-Andalus: History and Society, Ashgate, 1998, ISBN 0-86078-708-7
8. ↑ UVA
9. ↑ Ethnoterritorial Concurrence and Imperfect Federalism in Spain
10. ↑ Hurtado V., La Sublevación, 2010, Barcelona: DAU. ISBN 978-84-936625-6-1
11. ↑ Aemet
12. ↑ Oifis na Sìde
13. ↑ Città di Firenze
14. ↑ Città di Lecce
15. ↑ Ville de Lille
16. ↑ Ayuntamiento de Moreila
17. ↑ City of Orlando

• Riaghaltas na Roinne
• Riaghaltas na Sgìre