Niţchidorf

Niţchidorf Gearradh-arm no Seula
Suidheachadh
Dùthaich	Romàinia
Ceàrn	Banat
Sgìre	Timiş
Co-chomharran	45° 35’ Tuath 21° 32′ Ear
Feartan fiosaigeach
Farsaingeachd	64.13 km²
Àireamh-shluaigh	1,570 (2007)
Dlùths	24.48/km²
Àireamh fòn	256
Duilleag oifigeil	http://www.primarianitchidorf.ro/

‘S e baile agus sgìre dùthchasail air an àirde an iar Romàinia a th’ann an Niţchidorf, (Gearmailtis: Nytzkydorf, Ungairis: Niczkyfalva). Tha e suidhichte aig 132m os cionn ìre na mara anns an t-siorramachd (Ròmainis: Judeţ) Timiş, anns an sgìre còmhnard rèidh ris an canar Banat, aig astar dhe dìreach 30km bho Thimişoara agus 381km bho Bhucuresţi, prìomh-bhaile na dùthcha.^[1] Tha 1,570 daoine a’ fuireach anns a’ bhaile. Chaidh am baile a stèidheachadh ann an 1784 leis an Iarla Kristóf Nytzky.^[2] ‘S e Gearmailtis an cànan a bha aig a’ mhòr-chuid dhe na daoine ann an Nitzkydorf gu ruige 1977, nuair a thoisich an deachdaire Nicolae Ceauşescu ri Gearmailtich a reic dhan Ghearmailt. ‘S e baile le mòr-chuid Romàinianach a th’ ann an latha an-diugh. Tha bun-sgoil, bùth a’ cheimigear, fiaclairean, dotairean, dotairean-caoraich, leabharlann agus trì eaglaisean anns a’ bhaile.^[3] A bharrachd air Niţchidorf fhèin tha dà chlachain eile am broinn na sgìre, Blajova agus Duboz.

• Sebastian Kräuter: (1922-2008) easbaig Caitligeach ann an Timișoara.
• Herta Müller: (1953 – ) Sgrìobhadair a bhuannaich an Duais Nobel ann an 2009.
• Balthasar Waitz: (1950 - ) Sgrìobhadair (anns a' Ghearmailtis), neach-aithris agus eadar-theangachair.

1. ↑ Distance Calculator
2. ↑ Comhairle Thimiş
3. ↑ Comhairle Thimiş

• Daoine à Nitzkydorf anns A’ Ghearmailt