Tubaiste Hillsborough
| ||||
| ||||
| Cineál | táinrith tubaiste  | |||
|---|---|---|---|---|
| Dáta na bliana | 15 Aibreán 1989 | |||
| Suíomh | Hillsborough Stadium, England (en)  | |||
| Tír | an Ríocht Aontaithe | |||
| Spórt | sacar | |||
| Cúis | crowd collapses and crushes (en) | |||
| Líon básanna | 97 | |||
| Líon gortaithe | 766 | |||
Tubaiste a tharla i rith chluiche sacair i Hillsborough, Sheffield, Sasana ab ea Tubaiste Hillsborough. Bhí Liverpool F.C. ag imirt i gcoinne Nottingham Forest F.C. i gcluiche leathcheannais an Corn FA, ar 15 Aibreán 1989, in Hillsborough (staid Sheffield Wednesday F.C). Maraíodh sé dhuine is nócha nuair a tháinig an iomarca daoine isteach sa staid ag an am céanna. Chuir an réiteoir deireadh leis an gcluiche ag 3:06, nuair a thosaigh daoine gortaithe ag teacht amach ar an bpáirc.
Lucht leanúna fhoireann Learphoill uilig a maraíodh mar gur ar a dtaobh sin den staid sacair a tharla an brú agus an tsatailt.
Tar éis na tubaiste, cuireadh cosc ar bhacainne i staideanna sacair.
Fiosrúcháin
[cuir in eagar | athraigh foinse]Is iomaí slí a chuaigh sé sin i gcion ar na dlíthe de chuid Shasana agus na Breataine Bige agus de chuid áiteanna eile. Bhí an iliomad fiosrúchán, ionchoisní, athbhreithnithe, cásanna dlí agus ionchúiseamh thar na blianta dá bharr sin. Mar a tharla i gcás an Stardust i BÁC, is é an dara hionchoisne a rinne an cíoradh ceart ar an bhfianaise agus a thug breithiúnas in 2016 gur “marú mídhleathach” a tharla.[1]
Ar an 28 Márta 1991, tháinig giúiré 9-2 ar chinneadh “bás tionóisceach”.[2] Ní raibh ceachtar den dá thaobh sásta leis an mbreith. lean an chonspóid ar aghaidh ar feadh na mblianta.
Ar an 26 Aibreán 2016, rialaigh an coiste cróinéara i Warrington gur "marú mídhleathach" a bhí ann agus nach raibh locht ar bith le cur ar lucht leanta Liverpool[3]. I measc na gcúiseanna ar rialaigh an giúré ina leith, bhí gur botúin phleanála de chuid na bpóilíní, ar an lá, a chuir go mór leis an tubaiste.[4]
Dliteanas
[cuir in eagar | athraigh foinse]Thug an tubaiste comhthéacs do chinntí de chuid Theach na dTiarnaí, go háirithe sna cásanna Alock agus Bland,[5] maidir leis an méid dliteanais atá ann i dtaobh gortú síciatrach agus deireadh a chur le saol duine a bhí i riocht seasta gan chiall gan chéadfaí.[6]
Féach freisin
[cuir in eagar | athraigh foinse]- Tubaiste Bradford City
- Tubaiste Stardust. Tá ar tharla i Hillsborough cosúil ar go leor bealaí le fulaingt ghaolta duine a fuair bás i i mBÁC in 1981.[1]
Tagairtí
[cuir in eagar | athraigh foinse]- ↑ 1.0 1.1 Cathal Mac Coille (20 Aibreán 2024). "Bua tábhachtach don fhírinne an breithiúnas a tugadh i gcás an Stardust" (ga-IE). Tuairisc.ie. Dáta rochtana: 2024-04-20.
- ↑ "Hillsborough deaths ruled 'accidental'" (en). UPI. Dáta rochtana: 2021-03-28.
- ↑ Nuacht RTÉ (2016-04-26). "Marú mídhleathach ba chúis le bás 96 duine i Hillsborough i 1989" (as en).
- ↑ Financial Times (2016). ""Unlawful killing verdict"". www.ft.com. Dáta rochtana: 2021-03-28.
- ↑ 'Alcock v Chief Constable of South Yorkshire Police [1992] 1 AC 310 agus Airedale NHS Trust v Bland [1993] AC 789
- ↑ Scoil Dlí, COBÁC. "Tubaiste Hillsborough". Dáta rochtana: 2021.