Teagmhas Tunguska

Teagmhas Tunguska

60° 55′ 00″ N, 101° 57′ 00″ E / 60.916666666667°N,101.95°E / 60.916666666667; 101.95
Cineál	pléascadh
Ainmnithe in ómós	Abhainn Podkamennaya Tunguska
Dáta na bliana	30 Meitheamh 1908
Suíomh	Evenk Autonomous Okrug (en)
Tír	Impireacht na Rúise
Dáta fionnachtana nó tionscnaimh	30 Meitheamh 1908
Áit ar fionnadh é	Yeniseysk Governorate (en) agus Abhainn Podkamennaya Tunguska
Cúis	Tunguska meteorite (en)
Líon básanna	0
Líon gortaithe	0

Pléascadh an-chumasach nádúrtha, a tharla go híseal san atmaisféar os cionn na Sibéire i ngleann Tunguska, ab ea an Teagmhas Tunguska, ar an 30 Meitheamh 1908.^[1]

Leagadh b’fhéidir 80 milliún crainn go talamh.^[2] Leacaigh an phléasc beagnach 3,000 ciliméadar cearnach den fhoraois, agus adhnadh dóiteáin thar achar níos mó fós, i réimse iargúlta den tSibéir. Meastar go raibh an pléascadh coibhéiseach le pléascadh buama núicléach dhá mheigeatonna, nó pléasc a bhí cothrom le maidhm 15 mhilliún tonna TNT.^[3]

Ar ámharaí an tsaoil, ní raibh duine ar bith ina chónaí in Tunguska an uair sin sa bhliain 1908 (ach maraíodh triúr, b'fhéidir).

Phléasc dreigít san aer is cosúil. Ní bhfuarthas aon rian de smionagar astaróidigh ann, rud a mhúsclódh an smaoineamh gur ábhair sho-ghalaithe a bhí ann.

Tuigtear anois gur imbhualadh dreigíte (nó núicléas cóiméid bhig nó astaróidigh) leis an atmaisféar a bhí ann.^[4]

• Teoiric na catastróife
• Dreigeoideach 2030 nó astaróideach 2000 SG344
• Astaróideach

1. ↑ "The Tunguska Impact--100 Years Later | Science Mission Directorate". science.nasa.gov. Cartlannaíodh an bunleathanach ar 2021-05-16. Dáta rochtana: 2021-06-30.
2. ↑ Melissa Hogenboom. "In Siberia in 1908, a huge explosion came out of nowhere" (en). www.bbc.com. Dáta rochtana: 2020-06-30.
3. ↑ COGG. "An Modh Eolaíoch". Dáta rochtana: 2023.
4. ↑ Hussey, Matt (2011). "Teagmhas Tunguska". Fréamh an Eolais. Coiscéim. p. 683.