William Bowles
| Beathaisnéis | |
|---|---|
| Breith | 1705 Contae Chorcaí  |
| Bás | 25 Lúnasa 1780 74/75 bliana d'aois Maidrid, An Spáinn |
| Gníomhaíocht | |
| Réimse oibre | Bitheolaíocht, luibheolaíocht agus tíreolaíocht |
| Gairm | nádúraí, luibheolaí, bitheolaí, tíreolaí |
| Teangacha | Béarla agus an Spáinnis |
Nádúraí, ceimicí is réalteolaí a rugadh gar do Chorcaigh ab ea William (Guillermo) Bowles (1720 – 23 Bealtaine 1780). Thaistil sé sa bhFrainc is sa Ghearmáin chun staidéar a dhéanamh ar stair an dúlra. Thug rialtas na Spáinne údarás dó mianaigh na tíre sin a bhreithniú, bailiúchán stair an dúlra a dhéanamh, saotharlann cheimiceach a bhunú, agus na mianaigh mearcair in Almadén a athbheochan. Thaispeáin sé nach cóimhiotal iarainn is óir é platanam, agus scríobh An Introduction to the Natural History and Physical Geography of Spain (Bunléargas ar Stair Dúlra is Geografaíocht Fhisiciúil na Spáinne, 1775). Mar thoradh, bhí rí na tíre sásta Comhairle Stair an Dúlra a bhunú i 1752, agus Músaem Stair an Dúlra i Maidrid i 1753 is Bowles mar phríomheolaí ann. I Maidrid a d'éag sé sa bhliain 1780.[1]
Tagairtí
[cuir in eagar | athraigh foinse]- ↑ Hussey, Matt (2011). "William Bowles". Fréamh an Eolais. Coiscéim. p. 86.
 | Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |
| Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |