Sraith (matamaitic)

Sa mhatamaitic, is éard is sraith ann, go garbh, ná cur síos ar an oibríocht ina gcuirtear líon uimhreacha gan teorainn, ceann i ndiaidh a chéile, le huimhir thosaigh ar leith.^[1] Is cuid mhór den chalcalas agus a ghinearálú, an anailís mhatamaiticiúil, iad. Úsáidtear sraitheanna sa chuid is mó de réimsí na matamaitice, fiú chun staidéar a dhéanamh ar struchtúir chríochta (mar shampla sa mhatamaitic theaglamach) trí ghinfheidhmeanna. Chomh maith lena uileláithreacht sa mhatamaitic, úsáidtear sraitheanna gan teorainn go forleathan i ndisciplíní cainníochtúla eile amhail fisic, ríomheolaíocht, staitisticí agus airgeadas .