Muirshaothrú

Saothrú iasc muirí, sliogiasc is algaí. Idirdhealaithe ó dhobharshaothrú a chuimsíonn orgánaigh uisce úir is sáile. Comhlachtaí móra atá i mbun cuid mhaith den mhuirshaothrú ar fud an Domhain. I gcásanna áirithe fástar na horgánaigh i gclóis chosanta, ach i gcásanna eile scaoiltear bradáin ó ghorlanna amach sa bhfarraige le súil go bhfillfidh siad do na huiscí céanna blianta ina dhiaidh sin agus go ngabhfar iad ansin. Tá an saothrú sliogiasc rathúil in iarthar na hÉireann is na hAlban, an Fhrainc (oisrí), agus an Spáinn (diúilicíní), na hainmhithe ar fhrámaí crochta san uisce amach ón gcósta. Tá daoine eile ag saothrú sceireacha saorga chun táirgeadh iasc a chur chun cinn i réigiúin neamhthorthúla an chósta.^[1]

Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir.

Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.