1307

Sa paj ka konsèrné lannen 1307 di kalandriyé julyen.

• 10 févriyé : Témur Khan ka mouri à laj-a di 42 lannen san lésé di tiboug. Prétandan-yan ka angajé oun lalit acharné pou pouvwè-a, ki ka brizé inité-a di lanpir-a di dinasti-a Yuan. Ananda, piti-tiboug di Kubilai Khan, gouvèlnò di Gansu (é/oben vis-rwa di Tangout), ki konvèrti à Islam, ka opozé so kò o bouddhis Qaïchan, aryè-piti-tiboug di Kubilai Khan, ki ka régné an Mongoli. Qaïchan, ki soutni pa ségnò-ya di stepp-a, ka triyonfé é ka fè ègzékité Ananda.

• 24 mars : priz di Devagiri (Daulatabad). Koumansman dé raid di Malik Kafur, jénéral di soultanat di Delhi, annan Deccan (finisman an 1311), ki li konkéri é piyé. Li ka détrwi di nonbré rwayom endou.

• 21 jen : koumansman di règn di Qaïchan anba non-an di Külüg Khan, gran khan dé Mongòl (finisman an 1311).

• 23 jwiyé : pap-a Clément V ka kréyé roun larchévéché atè Péken à tèt-a di kèl i ka enstalé fransisken-an Jean di Montecorvino.