1188

Sa paj ka konsèrné lannen 1188 di kalandriyé julyen.

• 1e janvyé : Saladin ka lévé syèj-a di Tyr té défann pa Conrad di Montferrat. Oun flòt sisilyenn la anpéché li di asyéjé Tripoli (janvyé).

• 12 - 21 janvyé : asanblé féyodal ant Gisors é Trie-Château annan Vexin-an. Philippe II Auguste, Henri II d'Anglétèr é kont-a di Flandre ka angajé so kò pou trwazyenm krwazad-a, ké di nonbré baron. Yé ka konvini di distengé yé wonm pa koulò. Krwa-a di djòl (rouj) sa atribiyé o Fransé, di lajan (blanng) o Anglé é di sinòp (vèrt) o Flamand.

• 22 janvyé : koumansman di règn d’Alphonse IX(1166-1230), rwa di León. I ka konvoké à bazilik-a di San Isidoro di León les Cortes di León (es) ké dé rouprézantan di noblès-a, di klèrjé é dé lavil. Yé sa konsidéré kou roun dé pronmyé paléman an Léròp ké trwa léta ki rouprézanté.

• Fen janvyé é 11 févriyé : asanblé di Mans é di Geddington. Rwa-a Henri II Plantagenêt ka lévé dîme saladin-an annan so Léta-ya.