Gouvernman

Gouvèlman-an sa roun enstitisyon ki ka ègzèrsé pouvwar ègzékitif-a osen di roun antité politik. Annan roun réjim parlmantèr tèl ki sa di Lafrans, gouvèlman-an sa rèsponsab politikman divan Parlman (Asanblé nasyonal-a ké Séna-a). Gouvèlman ka désidé é ka antrouprann aksyon-yan ki nésésèr pou kondjwit-a di Léta-a.

An Frans, gouvèlman-an sa nonmen pa Prézidan di Répiblik é plasé anba so otorité. I sa dirijé pa Pronmyé minis-a (chèf-a di gouvèlman) é pouvé fika ranvèrsé pa roun mosyon di sansour voté pa Parlman-an.